Тексты
Вернуться к просмотру | Вернуться к списку
Seiččie anhelii da seiččie pahuttu
История изменений
25 января 2025 в 14:52 Нина Шибанова
- создал(а) перевод текста
- создал(а) текст: 1 Sit minä näin taivahal suuren da kummallizen tunnusmerkin: seiččie anhelii, kudamat kannettih seičendy pahuttu.^ Nämä pahuot ollah jälgimäzet, niilöih lopeh Jumalan viha. 2 Minä näin, gu ollushäi st՚oklaine meri, tulenke sevoitettu. Sen st՚oklumeren rannal seizottih net, kudamat voitettih zvieri, hänen kuva da hänen nimen lugu.^ Heil käzis ollah Jumalan arfat, 3 i hyö pajatetah Jumalan käskyläzen Moisein da Vuonan pajuo: – Suuret da kummallizet ollah Sinun ruavot, Ižändy Jumal, Kaikenvaldaine! Oigiet da tovenmugazet ollah Sinun dorogat, Sinä rahvahien suari! 4 Ken ei varuas Sinuu, Ižändy, ken ei ylendäs Sinun nimie? Vai Sinä olet pyhä. Kai muailman rahvahat tullah Sinun edeh da kumardetahes Sinule, sikse gu Sinun oigiet suvvot avavuttih. 5 Jälles tädä minä näin, kui taivahas avavui pyhäkodi, Jumalan olendusija,| 6 i lähtiettih pyhäkoispäi seiččie anhelii seiččemen pahuonke.^ Heijän sovat ollah luajitut puhtahas läpettäjäs paltinas, a ryndähis ymbäri on kuldaine vyö. 7 Yksi n՚elläs eläväs andoi nämile seiččemele anhelile seiččie kuldastu mal՚l՚ua, kudamat oldih tävvet Jumalan vihua, Hänen, kudai eläy ainos dai ilmazen ijän. 8 Jumalan valgei da vägi täytti savvul pyhäkoin, i niken ei voinnuh mennä pyhäkoin sydämeh, kuni ei stuanitannehes seiččemen anhelin seiččie pahuttu.
25 января 2025 в 14:52 Нина Шибанова
- создал(а) текст