Тексты

Вернуться к просмотру | Вернуться к списку

Iivana näköy Hristossan

История изменений

28 января 2025 в 12:50 Нина Шибанова

• создал(а) текст
• создал(а) перевод текста
• создал(а) текст: ⁹Mie olen tiän velli Iivana. Niin kuin tiän šamoin miunki ošana ollah ahissukšet, mieki kuulun Hristossan valtakuntah ta miunki Hiän auttau keštyä.^ Mie jouvuin Patmosnimisellä šuarella, šentäh kun šanelin ihmisillä Jumalan šanua ta tovissin Iisussašta Hristossašta. ¹⁰Hospotin päivänä Henki valtasi miut, ta mie kuulin takuata lujan iänen, niin kuin ois torveh puhallettu.^ Še iäni šano: «Mie olen Alfa ta Omega, Enšimmäini ta Viimeni. ¹¹Kirjuta, mitä niät, ta työnnä kirja Aasijan muakunnan näih uškojakuntih: Efessah, Smirnah, Pergamoh, Fiatirah, Sardissah, Filadelfijah ta Laodikijah». ¹²Mie kiännyin nähäkšeni, kenen iäni miula pakajau. Kun kiännyin, nävin šeiččemen kultajalkaista lamppuo, ¹³ta niijen šeiččemen lampun kešellä nävin niin kuin Ihmisen Pojan.^ Hänellä piällä oli pitkä sviitka ta rinnan ympärillä kultani vyö. ¹⁴Hänen piä ta tukat oltih valkiet niin kuin valkie villa, niin kuin lumi, ta Hänen šilmät oltih kuin tulen liekkehet. ¹⁵Hänen jalat oltih kuin šulatuškiukuašša hehkuva vaški, ta Hänen iäni oli kuin šuurien vesien pauhu. ¹⁶Hänellä oli oikiešša kiäššä šeiččemen tähtie.^ Hänen šuušta pisti miekka, molommilta puolin hyvin terotettu.^ Hänen näkö oli kuin kirkaš päiväni korkeimmillah. ¹⁷ Hänet nähtyö mie kuavuin Hänen jalkoih kuin kuollut. Ka Hiän laški oikien kiän miun piällä ta šano: «Elä varaja.^ Mie olen Enšimmäini ta Viimeni, ¹⁸ Mie elän.^ Mie olin kuollut, ka kačo, nyt elän ilmasen ijän, amin.^ Miula on kuoloman ta tuonelan avuamet. ¹⁹ Šentäh kirjuta, mitä niät: še, mitä nyt on, ta še, mitä tämän jälkeh tulou. ²⁰Šie nävit šeiččemen tähtie Miun oikiešša kiäššä ta šeiččemen kultajalkaista lamppuo.^ Niijen peitetty merkityš on tämä: šeiččemen tähtie ollah šeiččemen uškojakunnan anhelit, ta šeiččemen lamppuo, kumpaset šie nävit, ollah ne šeiččemen uškojakuntua».