Тексты

Вернуться к просмотру | Вернуться к списку

Kirjani laodikijan uškojakunnalla

История изменений

28 января 2025 в 17:05 Нина Шибанова

• создал(а) текст
• создал(а) перевод текста
• создал(а) текст: ¹⁴«Laodikijan uškojakunnan anhelilla kirjuta näin: "Näin šanou Amin, Še varma ta luotettava Tovistaja, kaiken Jumalan luajitun Alku: ¹⁵Mie tiijän šiun ruavot: šie et ole kylmä etkäi kuuma. Oi kun šie oisitki kylmä tahi kuuma! ¹⁶A šie olet hualie, et kylmä etkä kuuma, ta šentäh Mie šylen šiut pois šuuštani. ¹⁷Šie kehut, jotta olet pohatta, olet šuurešti pohattun, et tarviče enämpi mitänä.^ Vain šie et hokšua, jotta oletki kurja ta raukka, köyhä, šokie ta alačoin. ¹⁸Annan šiula neuvon: ošša Miulta tulešša puhissettuo kultua, niin pohatut.^ Ošša valkiet vuattiet ta pane ne piälläš, šiitä ei nävy šiun alaččoman runkon häpietä.^ Ošša šilmävoijetta ta voitele šilmät, niin rupiet näkömäh. ¹⁹ Jokahista, ketä Mie tykkyän, šitä kiruon ta kuritan. Šentäh jätä riähäššä elämini, elä ole hualie vain ole kuuma. ²⁰Mie šeison ovella ta kopissan.^ Kun ken kuullou Miun iänen ta avannou oven, Mie tulen hänen luo, ta myö illaissamma yheššä, Mie ta hiän. ²¹ Ken voittau, šen Mie annan istuo kerallani Miun valtaistumellani, niin kuin Mieki voittoni jälkeh issun Tuattoni kera Hänen valtaistumella. ²²Kellä on korvat, še kuulkah, mitä Henki šanou uškojakunnilla"».