Тексты

Вернуться к просмотру | Вернуться к списку

Kakši tovistajua

История изменений

29 января 2025 в 21:13 Нина Шибанова

• создал(а) текст
• создал(а) перевод текста
• создал(а) текст: ¹Šiitä miula annettih mittapuu, mi oli kuin keppi, ta miula šanottih: «Mäne ta mittua Jumalan pyhäkoti ta alttari ta luve ne, ketä šielä on moliutumašša. ²Jumalankojin ulkopiha jätä kuitenki mittuamatta, šentäh kun še on annettu vierahilla kanšoilla.^ Ne tallotah pyhyä linnua nelläkymmentäkakši kuukautta. ³Mie työnnän kakši omua tovistajua.^ Värččivuattiet piälläh hyö šanellah Miun šanua tuhat kakšišatua kuušikymmentä päivyä». ⁴Nämä tovistajat ollah kakši voipuuta ta kakši lamppuo, mit šeisotah muan Hospotin ieššä. ⁵Kun ken tahtonou ruatua heilä pahua, niin hiän šuušta lähtöy tuli, mi nielöy hiän viholliset.^ Näin kuolou jokahini, ken tahtou ruatua heilä pahua. ⁶Heilä on valta šalvata taivaš, niin jotta mualla ei vihmu niinä päivinä, konša hyö šanellah Jumalan šanua.^ Šamoin heilä on valta muuttua vejet verekši ta työntyä mualla kaikenmoista vahinkuo, konša vain tahottaneh. ⁷Konša nämä kakši tovistajua lopetetah oma ruato, noušou pohjattomašta kaivošta svieri.^ Še rupieu šotimah heitä vaštah, voittau hiät ta tappau hiät. ⁸ Heijän ruumehet še jättäy šuuren linnan pihalla.^ Jumalan viessintuojien pakinoissa šitä linnua kučutah Sodomiksi ta Jegiptiksi.^ Šielä heijän Hospoti oli ristihnuaklittu. ⁹Kolme ta puoli päivyä käy ihmisie eri kanšoista, heimoista, kielistä ta maista kaččelomašša heijän ruumehie, eikä niitä anneta hauvata. ¹⁰Muan eläjät iluol'l'ah heijän kuolomašta.^ Hyö pietäh piiruja ta työnnetäh toini toisillah lahjoja, šentäh kun nuo kakši Jumalan viessintuojua pahoin vaivattih muan eläjie. ¹¹No noijen kolmen ta puolen päivän piäštä tuli viessintuojih elämän henki, min Jumala oli työntän, ta hyö nouštih jaloillah.^ Šuuri varuu valtasi kaikki ne, ket nähtih še. ¹²Hyö kuultih, jotta taivahašta karjuttih lujalla iänellä: «Nouškua tänne»! Šiitä viessintuojat nouštih pilven kantamina taivahah, ta heijän viholliset nähtih še. ¹³Šiinä šamašša tuli ankara muanjärissyš.^ Kymmeneš oša linnašta šortu, ta järissykšeššä kuoli šeiččementuhatta ihmistä.^ Muut vareuvuttih ta taivuttih kunnivoittamah taivahan Jumalua. ¹⁴ Toini kor'a mäni.^ Ka kolmaš tulou rutto.