Тексты

Uuši laulu siijonin vuaralla

29 января 2025 в 22:43 Нина Шибанова

создал(а) перевод текста
создал(а) текст: ¹Šiitä nävin tämän: Vuonna šeiso Siijonin vuaralla.^ Hänen kera oli šatanelläkymmentänellätuhatta ihmistä, kumpasien oččah oli kirjutettu Hänen Tuaton nimi. ²Mie kuulin taivahašta iänen, mi oli kuin šuurien vesien pauhu ta kuin ukkosen jyry.^ Še iäni, min kuulin, oli vielä kuin arfanšoittajat ois šoitettu omilla arfoilla. ³Valtaistumen ieššä ta nellän olijan ta vanhimpien ieššä laulettih uutta lauluo.^ Šitä lauluo ei voinun opaštuo kenkänä muu kuin nuo šatanelläkymmentänellätuhatta, ket on pelaššettu muan piältä. ⁴Hyö ollah niitä, ket ei ole pakanoitettu iččieh naisien kera, vain on pisytty puhtahina kuin neiččyöt. Hyö kuletah Vuonnalla jälkeh, mänkäh hiän minne hyväh. Hiät on enšimmäisenä pelaššettu ihmisien joukošta Jumalalla ta Vuonnalla. ⁵Valehta heijän šuušta ei ole kuultu, hyö ollah puhtahie ta vijattomie Jumalan valtaistumen ieššä.

29 января 2025 в 22:43 Нина Шибанова