Тексты
Вернуться к просмотру | Вернуться к списку
Tuhukuu
История изменений
30 января 2025 в 15:14 Нина Шибанова
- создал(а) текст
- создал(а) текст: Rippuu pilvi pöyhkei piän piäl, Gu kartittu villu, Jo ammui raikostunnuol siäl Talven rauduvilus. Vieristän pakkastu tuldih Karkoittamah iäres Tuulet muuttajinnu suundii, Uravoinnuot suares. Vähiä vajai joga päiviä Tuulet riähkitähes Kovat, vägevämmät äijiä Salomeččy tuhus. Tuisku hurtien tiet kai umbai, Vihavunnuh lujah, Mečän kivostajen sumbah, Išketti väit kujoh. Kamahutti silmis omis Rud’d’ojen suutuksis Meččyelättilöi hommis Piäliči suitoksii. Vakkipiässäh n’uivistunnuh Vastusiä aleni. Kulleh teräväh n’upsistunnuh Ilmu gu pareni! A käbylinnut mennyöl kuul, Käbristynnyöt piänneh, Nygöi tuuhoittaikuuzipuus Puhkettih jo iäneh. Linduine n’okkero ruavos N’uokal käbyy šingou, Buito vunukale buabo Villusukkua nieglou. Min voidenah roikotetah, Gu sivoksis piässyöt, Kyhlähinny čokotetah Taivoil čodriet tiähtyöt. Kui ozutahes čomakse Meččy ruutis uuzis Kuvattu tunduu kummakse Pöyhkei hattu kuuzes. Päiväine punaldih keviäh, Talvenselgy katkei. Tuandoine kamiššuh levieh Kylmy kesti hätken. Vallatoi, mielet levälleh, Hervotoinnu, hykkäi Talvi n’uupalleh keviäle Yhtelläh piän hytkäi. Rahvoil on uskottu suurdu, Meččiä laijas laidah, Uponnuttu huondesuduh, Gu lypsettyh maidoh.