Тексты

Вернуться к просмотру | Вернуться к списку

Jumala luati šopimukšen ihmisien kera

История изменений

02 февраля 2025 в 13:18 Нина Шибанова

• создал(а) текст
• создал(а) текст: Niin Noija läksi naisineh, poikineh ta poikieh naisien kera pois laivašta. Kaikki eläimetki lähettih laivašta ta levittih pitin muata. Noija rakenti kivilöistä alttarin, toi uhrikelposie eläimie ta lintuja ta uhrasi ne alttarilla Jumalalla. Uhri oli Jumalalla mielehini ta Hiän šano: «Mie en enämpi konšana kiruo muata ihmisen tähen, vaikka ihmisen ajatukšet ta ruavot ollah pahat nuoruošta alkuan, enämpi en hävitä kaikkie elävyä, niin kuin ruavoin. Niin pitälti kuin mua pisyy, ei lopu kylvö eikä korjuu, ei vilu eikä helle, ei kešä eikä talvi, ei päivä eikä yö». Jumala plahoslovi Noijan ta hänen poikah ta šano heilä: «Mie luajin šopimukšen teijän ta teijän jälkiläisienä kera… Mie luajin šopimukšen ta annan teilä lupaukšeni: konšana enyä ei vejennoušu hävitä kaikkie elävyä, še ei konšana enyä hävitä muata. Mie ašetan ukonkuaren pilvilöih, ta še olkah merkkinä miun ta muan väliseštä šopimukšešta. Kun annan pilvien noušša taivahalla ta ukonkuari näkyy pilvilöissä, muissan šopimukšeni, min olen luatin kaikkien elävien olentojen, kaiken elollisen kera: vejet ei enämpi konšana noušša tuhotulvakši hukuttamah kaikkie elävyä. Ukonkuari näkyy pilvilöissä, ta kun mie šen niän, muissan ikusen šopimukšen, min olen luatin kaikkien elävien olentojen, kaikkien muan piällä elävien kera».