Тексты

Вернуться к просмотру | Вернуться к списку

Israelin kanša Jegiptin orjuošša

История изменений

02 февраля 2025 в 19:20 Нина Шибанова

• создал(а) текст
• создал(а) текст: Mäni monta monituista vuotta. Kuoltih Juakko ta pitin aikua kaikki hänen pojatki. Joosefin kuoloman jälkeh Jegiptin halliččijakši tuli toini čuari, kumpani ei tietän mitänä Joosefista ta hänen hyvistä töistä. Čuari huomasi, jotta israelilaisien luku on šuurešti kašvan ta hyö ollah jegiptiläisie voimakkahampie. Šentäh hiän šano omalla rahvahallah: «Nyt meijän pitäy ruatua niin viisahašti, jotta israelilaisien luku ei kašvais. Muitein voit käyvä niin, jotta kun tullou šota, hyö liitytäh meijän vihollisih. Šilloin hyö ruvetah taistelomah meitä vaštah ta lähetäh pois täštä muašta». Čuari miäräsi israelilaisilla šemmosie piälikköjä, kumpaset kiušat tih heitä jykiellä työllä. Ka mitä enämmän heitä kiušattih, šitä enäm män heitä lisäyty ta jegiptiläiset alettih vihata heitä. Hyö pakotettih israelilaiset orjikseh ta vielä ankarammalla työllä šuatih heijän elämä mahottoman vaikiekši. Jumala näki oman rahvahan pitkäaikaset muokat ta šen, mitein še ahissukšissah pani oman toivoh häneh, ta niin hiän piätti työntyä heilä piäštäjän.