Тексты
Вернуться к просмотру | Вернуться к списку
Iisussan Hristossan šyntymä
История изменений
03 февраля 2025 в 14:46 Нина Шибанова
- создал(а) текст
- создал(а) текст: Konša Muarie vuotti lašta, hänen ta Josefin piti lähtie pitällä matalla. Riiman keisarilta Aukustilta tuli käšky, jotta koko muašša pitäy ruveta luatimah väjenkirjutušlistoja. Nasaretista Viflejemih on yli kakšišatua kilometrie. Tuoho aikah ei ollun junoja eikä autoja, niin jotta matkah mäni monta päivyä. Nazaretti oli Pohjois-Israelissa, Galilejašša, a Viflejemi – eteläššä, Juutijašša. Tie Galileijašta Viflijemih kulki vuarasan Samarijan kautti. Loppujen lopulta Josefi ta Muarie piäštih Viflejemih, ka heilä ei löytyn yöšijua majatalošta. Konša hyö oltih šielä, Muariella tuli lapšenšuanta-aika. Näin luvemma Jevanhelista: «Hiän šai Pojan, enšimmäisen Lapšen. Hiän kapaloičči Lapšen ta pani Hänet šoimeh…» Tämä kertou meilä, jotta hyö yövyttih karjašuojah ta pantih lapši elukkojen šoimeh. Šillosen tavan mukah karjašuoja oli kallivokološša. Niillä šeuvuilla paimenet toko piettih lampahie šuurissa kallivokoloissa.