Тексты

Вернуться к просмотру | Вернуться к списку

Iisussa kaššetah

История изменений

03 февраля 2025 в 15:55 Нина Шибанова

• создал(а) текст
• создал(а) текст: Pappi Saharein poika, Iivana, eli tyhjäššä muašša. Šielä Jumala opašti häntä erityiseh hommah: valmistamah tietä Messijalla, Iisussalla Hristossalla. Iivana rupesi kaštamah ihmisie tyhjäššä muašša. Hiän šano heilä, jotta Jumala prostiu heilä heijän riähät. Iivanan luo tuli äijän rahvašta Jerusalemista ta koko Juutijašta. Hyö šanottih omat riähät, ta Iivana kašto heijät Jortanojovešša. Kanša vuotti Messijua, ta monet alettih kyšellä: «Eiköš hoti Iivana oleki Messija, Piäštäjä?» Ka Iivana šano: «Miun jälkeh tulou milma väkövämpi Mieš. Mie en kelpua kumartumah ta kerittämäh ni Hänen jalaččien nauhoja. Mie kaššoin tiät veješšä, a Hiän kaštau tiät Pyhäššä Henkeššä». Šiitä Iisussa tuli Galileijašta Jortanojovella Iivanan kaššettavakši. Iivana pijätteli Häntä ta šano: «Šiun še pitäiš miut kaštua, a Šie tulet miun luo kaššettavakši!” Iisussa vaštasi hänellä: «Elä pane vaštah. Näin miän pitäy ruatua, jotta täyttäsimä Jumalan oikiemielisen tahon». Šiitä Iivana myönty kaštamah Iisussua. Kaštamisen jälkeh Iisussa šamašša nousi veještä. Šilloin taivahat avauvuttih, ta Iivana näki Jumalan Henken, kumpani laškeutu kuin kyyhkyni ta ašettu Iisussan piällä. Ta taivahista kuulu iäni: «Tämä on Miun armaš Poika, kumpaseh Mie olen mieltyn».