Тексты
Вернуться к просмотру | Вернуться к списку
Iisussan enšimmäiset opaššettavat
История изменений
03 февраля 2025 в 16:12 Нина Шибанова
- создал(а) текст
- создал(а) текст: Nasaretista Iisussa šiirty elämäh Kapernaumin linnah, mi šijottuu Gennisaretin järven rannalla. Täštä šuaten Iisussa rupesi šanelomah: «Jättäkkyä riähäššä elämini ta kiäntykkyä Jumalan puoleh»! Konša Iisussa kulki Galileijanjärven rantua, Hiän näki kakši velleštä, Simonin, kumpaista kučuttih vielä Petriksi, ta hänen vellen Ontrein. Hyö oltih heittoverkolla kalua pyytämäššä, hyö kun oltih kalaštajat. Iisussa šano heilä: «Lähtekkyä Miula matkah. Mie luajin teistä ihmisien kalaštajie». Tämä tarkoitti, jotta Hiän työnti heijät kertomah Hyvyä Viestie, jotta heitä kuulijat šuatais tietyä toven. Šamašša hyö jätällettih verkot ta lähettih Iisussan kera. Kotvasen matan piäštä Iisussa näki toiset kakši velleštä, Savatein Juakon ta hänen vellen Iivanan. Hyö oltih veneheššä Savatei-tuattoh kera verkkoja šelittämäššä. Heijät niise Iisussa kučču. Hyö heti jätällettih veneh ta tuatto ta lähettih Iisusan kera. Näin ni muutki opaššettavat, ketä Iisussa kučču, lähettih heti Hänellä jälkeh. Niin Iisussa valičči ičelläh 12 opaššettavua, kumpaset aina matattih Hänen kera ta kumpsie Hiän opašti.