Тексты

Вернуться к просмотру | Вернуться к списку

Hyvä paimen

История изменений

04 февраля 2025 в 14:47 Нина Шибанова

• создал(а) текст
• создал(а) текст: Niin kun paimen huolehtiu lampaistah, šamoin Iisussa Hristossa, muajilman Piäštäjä, huolehtiu niistä, ket tullah Hänen luokši ta ušotah Häneh. Erähičči Iisussa pakasi näin: «Toven totta šanon teilä: Mie olen lampahien ovi. Kaikki ne, ket tultih ennein Milma, oltih varaštajie ta rosvoja, eikä lampahat kuunneltu heitä. Mie olen ovi. Še, ken tulou šiämeh Miun kautti, pelaštuu. Hänellä on valta tulla ta männä, ta hiän löytäy nurmen. Rosvo tulou vain varaštamah, tappamah ta hävittämäh. Mie tulin antamah elämyä, yllinkylläistä elämyä. Mie olen hyvä paimen, oikie paimen, ken antau oman henken lampahien puolešta. Palkkapaimen ei ole oikie paimen, ta lampahat ei olla hänen omie. Konša hiän näköy, jotta hukka on tulošša, hiän jättäy lauman ta pakenou. Hukka šuau lampahat šualehekšeh ta hajottau lauman, šentäh kun palkkapaimen ei välitä lampahista. Mie olen hyvä paimen. Mie tiijän omat lampahat ta ne niise tiijetäh Miut, niin kuin Miun Tuatto tietäy Miut ta Mie tiijän Tuaton. Mie annan henkeni lampahien puolešta. Miula on muitaki lampahie, kumpaset ei olla täštä lammaššuojašta. Niitäki Miun pitäy paimentua. Ne niise kuullah Miun iäni, ta niin tulou yksi lauma ta yksi Paimen. Tuatto šentäh tykkyäy Milma, kun Mie annan henkeni, jotta šuaha še jälelläh. Kenkänä ei kiso Miulta Miun henkie, Iče Mie šen annan pois. Miula on valta antua še ta valta ottua še jälelläh. Näin Tuatto käški Miun ruatua».