Тексты
Вернуться к просмотру | Вернуться к списку
Sebranikoil – sur’ pühä!
История изменений
24 февраля 2025 в 12:13 Нина Шибанова
- создал(а) текст
- создал(а) текст: 35 vot – nece om äi! Nece oli pit’k da jüged te: erasišti – leved da sel’ged, a erasišti – kaid tehut kivuzidenke. Vaiše kut rahvaz sanub: “Ten vägestab se, ken astub!” Ӓi hüvid ristituid astui necidä tedme. I kukištelihezoi, i lankteliba, vaiše kaik lüiziba vägen libuda da astta edemba! Lüiziba vägen abutada kaikile, kelle abu tari ol’. Muga voded i joksiba… 35! Voib sanuda, miše nece om väha! Ristitul, kudamele om neceverz’ vozid, kaik elo om edes. Muga i “Vepsän kul’tursebral” om edes äi uzid projektoid, konkursoid, vastusid, kirjoid, runoid da pajoid. Okha kebnäs mändas radod i vaiše mägehe! Okha ližaneb sebranikoid da hüvid melid päs! Toivotan eläda kožmuses hengenke i kaikedenke! Sur’t ozad da satusid! Lopindaks ofot sanuda sur’ spasib ristituile, ked eduv vediba radon “Vepsän kul’tursebras” i nügüd’ paneb äjan väged da aigad sille: Zinaida Ivanovna Strogalščikovalle, Nina Grigorjevna Zaicevalle, Svetlana Petrovna Pas’ukovalle, Larisa Vasiljevna Čirkovalle i toižile. Konz-se amu, Jumal andoi mini vastusen nenidenke i toižidenke ristituidenke. Siloi minun lapsed oliba mugomad pened, miše poig openzihe 1. klassas, a tütar vu ei kävelend školha – 28 vot minä astun teidenke rindal i mujan abun kaikes rados i elos. Kuti parahim heim lahjoičeb ičeze hulan armastusen, muga i tei kaik abutatei i kaičetei mindai. Ühtes teidenke minä ajalimoi mail’madme, olin suriš lidnoiš, tedištin uzid’ ristituid da lüizin hüvid sebranikoid. Rindal teidenke ladvalaižen noren ničukaižen elo tegihe sel’ktembaks da parembaks – sur’ spasib kaikiš sijoiš! Okha Jumal andab kaikile tervhut da pit’käd igäd, kut i meiden vepsän kelele, vepsläižile ristituile i meiden kodimale.