Тексты
Вернуться к просмотру | Вернуться к списку
Kalages ozutase uz’ muzei
История изменений
19 марта 2025 в 11:44 Нина Шибанова
- создал(а) текст
- создал(а) текст: Kalag’-küläs sügüzeks avaitas pert’-muzei. Sauvotuz om jo sirttud ičeze sijale – se seižub läz Kul’turpertid. Ezmäi tahtoidihe tehta muzei Anna Lisicinan pertiš. No nece pert’ om hubas olos. Toižen pertin muzejan täht tariči üks’ Kalagen eläjišpäi. Pert’ om jo sirttud ičeze sijale Toižegespäi. Nügüd’ Kalagen eläjad keradaba kaluid uden muzejan täht. – Idei tehta pert’-muzei Kalages sündui meiden eländtahon pämehel Mihail Aleksandrovič Pol’akoval. Mö tugezim necidä idejad. Abutada toivoti mugažo “Šeltozerec”-ecindjoukun pämez’ Viktor Lonin, – starinoičeb Kalagen Deputatoiden nevondišton pämez’ Svetlana Gotič. Udes muzejas tahtoidas tehta koume ekspozicijad. Üks’ linneb omištadud Sovetskijan Sojuzan Gerojale Anna Lisicinale, toine – vepsläižiden elomištole, a koumanz’ – specialižen voinoperacijan ühtnikoile. Muzei planuitas avaita sügüzen augotišes.