Тексты
Вернуться к просмотру | Вернуться к списку
Jevgenija Hämäläinen
История изменений
03 июня 2025 в 11:01 Нина Шибанова
- создал(а) перевод текста
03 июня 2025 в 11:01 Нина Шибанова
- создал(а) комментарий: РУВИКИ: https://ru.ruwiki.ru/wiki/Хямяляйнен,_Евгения_Ивановна
12 апреля 2025 в 21:55 Нина Шибанова
- создал(а) текст
- создал(а) текст: Jevgenija Ivanovna Hämäläinen (Jouki Hämäläinen) (1882—1959) on karjalaine suarnansanelii, runonpajattai. Oli palkittu Znak počota -kunnivomerkil (1951). Kuului Nevvostoliiton kirjuttajien liittoh (vuvves 1953). Eloskerdu Oli roinnuhes muanruadajan pereheh. Tuatan kuolendan jälles kaheksavuodizennu ruadoi batrakannu. Jevgenija Hämäläinen kirjutti: "Muamal jäi nelli lastu. Elimmö pakičendal. Söimmö olgie" (Karjalan runonpajattajat: verkotiedosanakniigu). Vuvvennu 1907 piäzi opastumah vällänny opastujannu suomelazeh rahvahan školah Impilahtes, sen jälles läs vuottu opastui siirdoškolien opastajien kursiloil Serdobolin opastajien seminuaries. I Muailman voinan aigah oli ruadajannu Murmanskan raududorogan nostanduruadolois. Jälles Ligakuun vallankumovustu ruadoi opastajannu Vuokkiniemes da Uhtuol. Vuozinnu 1926—1929 ruadoi sanituarannu bol'ničas, vuvves 1929 ruadoi kolhozas. Suuren Ižänmuallizen voinan aigah oli työtty evakkoh Čel'abinskan alovehele, ruadoi kolhozas, voinan loppiettuu tuli järilleh roindumuale. Vuvvennu 1951 otti ozua Moskovas piettyh Karjal-Suomelazen socialistizen nevvostotazavallan Pajo-, muuzikku- da tansunedälih. Vuvvennu 1979 piäzi ilmah Reijo Takalan kniigu "Uhutsaari", kudai on omistettu runonpajattajan mustole - runoilijan buabale. Luomisruado Lapsusaijas oli pannuh mustoh rahvahan runoloi da sit iče keksi niilöi. Rahvahanrunohuon keriäjät kirjutettih hänes mondu kymmendy runuo karjalan kielel, äijän tiedohussanoi, arbaitustu da suarnua. Vuvvennu 1959 oli painettu hänen tevoksien sarju ven.^ Pesn' on novom Sampo-kogomukseh (yhtehkeriäjy Jaakko Rugojev).