Тексты
Вернуться к просмотру | Вернуться к списку
Uuttu jiämaiduo luajitah Karjalan piälinnas
История изменений
21 мая 2025 в 21:43 Александра Родионова
- создал(а) history.year_accusative источника: 2025
20 мая 2025 в 09:12 Александра Родионова
- создал(а) текст
- создал(а) текст: Karjalan tavarat -tehnoparkan tilois ruvettih luadimah uuttu jiämaiduo. Lumi-laitos rubei ruadamah tämän vuvven tuhukuun allus. Enne sidä ”Lumi” ruadoi Ammattiliittoloin uuličal endizen syömälän rakendukses. Nygöi laitos ruadau uuzis tilois. — Vie kolme vuottu tagaperin myö huaveilimmo nygyaigastu tehnoparkua, kus vois luadie syömizii korgiedu luaduu. Tänäpäi meijän huaveilut todevuttih — Karjalan tavarat -tehnoparku piäzöy täydeh vägeh. Enne myö käimmö kaččomah, kui karjalastu jiämaiduo luajittih Ammattiliittoloin uuličal. Silloi kynnyksenny oli syömistavaroin luadimizeh niškoi tarkoitettuloin ruadotiloin vähys. Nygöi federuallizen kannatuksen avul da kauppuinvestitsieloin vuoh on suadu nygyaigazet kaunehet, puhtahat da mugažat ruadotilat. Lumipallo-nimellisty jiämaiduo luajitah karjalazes maijos, ližätäh luonnollizii ainehii, kudamii luajittih da kazvatettih meijän tazavallas. Taritah kui perindöllisty plombir-jiämaiduo, marjusorbettua da šokoluadua, mugai tutun magien ebätavallizii maguloi – valgiet grivat, riäpöin mähändy, Valgienmeren meriheinät, lavandu, šungittu. Tänäpäi ”Lumi” valmistau uuttu jiämaiduo kadajan da pakkulin kel. Karjalan tazavallan piämiehen kel laitoksele käydih jiämaijon enzimäzet syöjät — lapset. Erillizeh voinuoperatsieh yhtynyzien lapsile hommattih ekskursii da master-kluassu, kudamal lapset tiijustettih magien jiämaijon luadimizes, syödih karjalastu magiedu, ičegi opittih luadie sidä syömisty. Uuzih ruadotiloih tulduu ”Lumi” jo pani tuotandoh 12 miljounua rubl’ua, nämmih varoih varustettih uvvet tilat, ostettih tarvittavua laittehistuo. ”Lumi” iellehgi rubieu suurendamah laitostu da avuamah uuzii myöndykohtii Sordavalah da Oniegan järven tagavozeh. Karjalan tavarat - tehnoparkas on 14 rezidentua, kuduat luajitah čuajuloi, varen’n’oi, painimii, luonnollizii aktiivizii syömisližävölöi, mavustehii, gidrolatoi, fermentiiruittuloi kazviloi, koufieloi da tostu syödäviä. Vuvves 2025 tädä ruaduo jatketah uvven kanzallizen Effektiivine da kilbailukygyine ekonoumiekku -projektan mugah.
- создал(а) перевод текста