Тексты

Loppusanat

22 мая 2025 в 16:51 Александра Родионова

создал(а) текст
создал(а) текст: Karjal on ylen suuri mua. Äijygo vuottu pidäy ristikanzale, ku suas kävähtiäkseh sen kaikkih kolkih da agjoih? Täydynöygo sih yhten ristikanzan igälangua? Mieldykiinittäi voibi olla loitton, ga voibi olla ihan lähäl. Lugijes da paistes tiijustat uuzih kohtih nähte, pollet koin kynnykses piäliči, ajat, astut. Allus et tiijä, kunne vedäy matku, a se tuou sinuu moizih kohtih, kudamil on kummalline vahnu histourii, nämmis suat vie enämbän tieduo da viritysty. Rahvahan kul´tuuru da eletty elaigu on loppematoi nouzemu. Meijän matkois etnogruafii da aktiivine huogavundutaba oldih käzikkäi. Turistumatkas rodih ei vaigu dorogan astundu-ajandu ga troppu histourien lugemattomih sivuloih, kuduat myö luvemmo yhtes Mašan da toizien oman rannan da matkoin suvaiččijoin kel. Se vältämättäh rodieu, ku tämängi kirjuttajes piäh juohtui kolme uuttu matkua Karjalan dorogoi, järvilöi da jogiloi myöte.
создал(а) перевод текста