Тексты
Вернуться к просмотру | Вернуться к списку
Morsien kysyy hiälahjoja
История изменений
23 июня 2025 в 15:59 Нина Шибанова
- создал(а) текст
- создал(а) текст: Etkö šie voi, iče innollini ihala čikkosen, kun inhu vartuvon innon etähäisih itvomih kun innon olkuolen, hot innon prostoiloisie kakluššomasieš innon ečitellä? Etkö šie voi, iče kajollini kaunis čikkosen, kajon prostoiloisie kakluššomasieš kajon ečitellä, kun kaiho vartuvo kajon etähäisih kannettuisih kajon olkuolen? Etkö šie voi hot kuušikymmenvuotisie kukkaroijen pohjista kuluajie kultarahasie kujin ečitellä, kun kurja vartuvuon kujin etähäisih kuvuamih kujin olkuolen? Etkö šie šatojen vuosijen val'aiččiutunuisie hod vaškirahasie voi vallan ečitellä, kun vaimalo vartuvuon vallan etähäisih vualimih vallan olkuolen? Ved vaimalo vartuvuon kun vallan etähäisissa vualimissa rupielen vallan kualelomah, ka vet tuttujen skammijen nenih tutušijaset tunnon luajitellah. Kun tuuvittamat tunnon aivosina huomenešaikasina valveuvutah, jotta vaimalo vartuvo voisin valveutteliutuo, kun vualimad valveutteliuvutah... (Šiitä kun antau šen (lahjan), antilaš itköy:) Passipo ta passipo, kun šie arvualit ankien vartuvoni, kun aijan etähäisih aikomih aijan olkuolen. Annelkah šiula armahat spuassuset kakšie-kolmie ošie olovammaisilta, ošitelkah šiula ošasiksi ta plahoslovenjiksi. (Hyvä on, en voi...)
- создал(а) перевод текста