Тексты
Вернуться к просмотру | Вернуться к списку
Antilahalla piätä pannah
История изменений
24 июня 2025 в 16:37 Нина Шибанова
- создал(а) текст
- создал(а) текст: Anna šie kalanluiset piäkampaset, kailis hyväseni, millä kampual'l'a kajon nuorukkaisie kanalieminöisieni kajon omattomih vierahih kannettuisih. Anna kalanluiset piäkampaset, kallis hyväseni, millä kampual'l'a kajon jälkimmäisie kertasie kajon nuorukkaisie kanalieminöisie niih kajon omattomih vierahih kannettuih varoin. En voi kampual'l'a kajon nuorukkaisilla kalovehkätysilläni, kuin on kaikki katkiel'tu kalvosista šuaten kannatellešša näitä kajon šuurie mielikaihosie kannettujen kerallisie. Tulkua kampual'omah, kajon nuorin kantajani lapši, kajon nuorukkaisie kanalieminöisie kajon jälkimmäiset kertaset. Tai kantajaini lapši tai kallehilla ilmoilla šiätelijä, tule kampual'omah, kallehilla ilmoilla šiätelijä kantajaiseni tai kallis hyväseni, kajon nuorukkaisie kanalieminöisieni kajon jälkimmäiset kertaset. En voi kampual'l'a kajon nuorilla kaijoilla kalovehkätysilläni, kun on olkapiähysistä šuaten onnaheltu oimun nuorukkaiset olkakätyseni näitä ottamien kerallisie kiukka opualaisie oimun akkiloiješša. Ka tule šie nii, kallehista malittuvetysistä ylentäjä, kampual'omah kajon nuorukkaisie kanalieminöisieni, ta kukkahista kupelivetysistä kujin ylentäjä.
- создал(а) перевод текста