Тексты

Вернуться к просмотру | Вернуться к списку

Runojen jälki musiikissa

История изменений

17 июля 2025 в 12:41 Нина Шибанова

• создал(а) текст
• создал(а) текст: Heinäkuun 10.^ päivänä piettih konserttitutkimuš – mitä jälkie karjalaiset runot jätetäh musiikkih. Konsertissa oli musiikkiesitykšie šekä lyhyitä luventoja. Kaččojat kuunneltih alkuperäistä runojen esityštä, šoittuo kantelella ta jouhikolla šekä nykyaikaista runoilla innoššuttuo musiikkitaituo. – Meilä oli mukava kyšyö muusikkoja, kumpaset käytetäh omašša luovašša työššä runoja tahi folklorie, esittyä šitä ta vielä kertuo, mintäh ta mitein nämä musiikkitevokšet šynnyttih, šano konsertin järještäjä Irina Rinkevič. Ajatuš pityä konsertti šynty, kun Kielen, kirjallisuon ta istorijan instituutissa oli järješšetty ryhmä, kumpasen tehtävänä on popularisoija runoperintyö. Konsertti oli pietty muusikkojen ta järještäjien innoššukšella: Tevollisušistorijan gallereja anto oman kentän, musikantti Sergei Zobnev autto järještyä tekniikkua, muusikot tultih esiintymäh makšutta. Monilukuset vierahat kuunneltih, kuin nykyaikasešti runot šoijah TUARI-ryhmän taijošša, mitein kitaristi Jurii Žuk šepittäy jazz-musiikkikappalehie karjalaisien šävelmien pohjalla ta esittäy niitä duetissa Ilja Popovin kera. Kantelisti Tatjana Bel’ajeva šoitti runojen motiivija, a PIPPURIT-ryhmä esitti perintehellistä musiikkie jouhikoilla. Konsertti piettih mukavašša ta lämpimäššä ilmapiirissä, ta kaikin šuatih tietyä uutta rajattomašta runoperinnöštä.