Тексты
Вернуться к просмотру | Вернуться к списку
Ruskeala Symphony keräsi yli 7 000 vierašta
История изменений
04 августа 2025 в 12:12 Нина Шибанова
- создал(а) текст
- создал(а) текст: Yhekšän vuuvven aikana Ruskeala Symphony -festivalista tuli Karjalan oikie turisti- ta kulttuuri-ilmijö. Šeuruava Ruskela Symphony tulou kymmeneš. Karjalan tašavallan piämieš Artur Parfenčikov yllytti festivalin kaččojie šanomah omua mieltä šiitä musiikkitapahtumašta. Heinäkuun 18.^–19.^ päivinä Ruskeala-vuarapuistošša vietettih IX Ruskeala Symphony -musiikkifestivali. Šuuri pruasniekka keräsi yli 7 000 vierašta ta lahjotti musiikkie, kumpani kuulu yhtämittua 15 tuntie. Kahen päivän aikana kävijät šuatih ihual’l’a 16 konserttie varapuiston eri kentillä. – Tietyšti, festivalista tulou istorijallini tapahtuma, ta myö jo smietimmä kymmenekšeštä Ruskeala Symphony -musiikkifestivalista. Luajimma kaiken, jotta šiitä tulis tosi šuuri tapahtuma. Voit ollašiinä esitetäh männyijen festivalien parahie esitykšie. Yllytän teitä šanomah omua mieltä ta kertomah, mi jäi muistih ta mitä pitäis liittyä ohjelmah, šano Artur Parfenčikov festivalin vierahilla. Ruskeala Symphony -festivalin ainasena ošallistujana on Karjalan valtijofilarmonijan simfonijaorkesteri. Artur Parfenčikov myönti šen artistoilla korkiet palkinnot. Nadežda Rogušina šai Karjalan piämiehen kunnivomerkin “Panokšešta Karjalan tašavallan kehitykšeh”. Anatolii Mel’nik šai Karjalan tašavallan anšijoitunuon artistan arvonimen. Karjalan valtijofilarmonijan kollektiivi šai tašavallan halličukšen kunnivokirjan. Konserttiloissa vierahat kuunneltih jazz- ta folk-musiikkie, valkovenäläisie ta osetijalaisie šävelie, kuorolaulantua. Festivalin piätapahtumakši tuli gala-konsertti Italijan kivilouhokšešša. Näyttämöllä esiinnyttih Karjalan valtijofilarmonijan simfonijaorkesteri ta Venäjän šuurimpien teatterien – Šuuren ta Mariinskin solistit. Kivilouhokšešša kuulu Motsartin, Čaikovskin, Gunon, Musorgskin, Bizen, Rimskii-Korsakovin ooperojen arijoita. Perintehen mukah festivali piätty ilotulitukših. Ruskeala Symphony -festivalin järještäjänä on Karjalan valtijofilarmonija.