Тексты
Вернуться к просмотру | Вернуться к списку
Louhen keškuš alotti ruatuo
История изменений
04 августа 2025 в 12:24 Нина Шибанова
- создал(а) текст
- создал(а) текст: Louhešša avattih uuši Kanšallisukšien välini yhteistyökeškuš. Piirikirjašton tiloissa juhlallisešti avattih Karjalan tašavallan viiještoista Kanšallisukšien välini yhteistyökeškuš. Aloiteh on toteutettu Karjalan kanšalaisjärještöjen resurssikeškukšen voimin tašavallan piämiehen granttifondin kannatukšella. – Tašavallašša eläy 113 eri kanšan etuštajua. Šemmosen keškukšen avuamini on tärkie aškel kanšallisukšien välisen šopušoinnun vahvistamisešša alovehella. Tiälä lapšie ta nuorisuo ruvetah tuttavuštamah kulttuurien ta perintehien moninaisuoh, šekä esittämäh, jotta erikoisukših kaččomatta meilä kaikilla on yhtehiset ar vot ta eettiset lähtökohat, korošti Zoja Saveljeva, Periodika-kuštantamon tiloissa toimijan Karjalan tašavallan Kanšojen yštävyštalon johtaja. Yštävyštalo toimiu yhteistyöššä Kanšallisen ta alovehellisen politiikan ministerijön kera. Še on resurssikeškuš Karjalan kaikilla Kanšallisukšien välisillä yhteistyökeškukšilla. Louhen keškukšella on luovutettu opaššušmaterialit ta tarvittavua kirjallisutta, jotta ruatua lapšien ta nuorien kera.