Тексты
Вернуться к просмотру | Вернуться к списку
Vuotaz opin dai, naine kargijaizeni
История изменений
21 августа 2025 в 14:53 Нина Шибанова
- создал(а) текст
- создал(а) текст: Vuotaz opin dai, naine kargijaizeni, kallehen (i) armoizeni kalmoilaudaizii jo kaldailta. Dai vai opin, naine kargijaizeni, kallehen armoizen (i) liijad moahuod liikutella. Eigo voi hot kui kuuzien nedälyizien peräh nygöi kallistu n armostu kuonutella pagista. Dai, kallehed (i) spoassaized (i), peästäkkää kallistu armostu iččeh kallehien kandomuoizien ke paginaizil. Dai valgied syndyizedi, valdailkoa hod (i) kallistu (ni) armoistu kallehen kandomuon ker iččeh paginaizile. Eigo voiz (i) kargijaizen naizen hozi kalliz armoizeni hos kaksien kandupeähyizien vuoh kavahtella. Libo eigo voi hozi kaksien kynäbryksyzien vuoh kuvatellakseh, hos kuuzien nedälyizien peräs paginazil. Kaihäi, kalliz armoizeni, minule ni kargijaizele naizele sinun peräz oli ilmaizien suurevuod (i) igäväized, dai taivahan suurevuod (i) taudized (i) tirpelin nämiz kuuziz nedäliziz gu. En voinnuh ni naine kargijaizeni, ni suremattah ni kele sulavien sanaizien ker ni mennä, ni kenen suun eduizih surematta sanelta ga. Kaihäi naizele kargijaizele, kalliz armoizeni, kai nämis kuuziz nedäliiziz ga vahingo kannabroized nämien kalmaizien tyveh kainaloizissah kazvettih. Daihäi kai naine jo kargijaizele, kallis armoizeni, sinun peräh minulleni kuuzih nedäliziz jo kuudahaizet kručinnoid (i) kulkuizissah kazvettih kai. Kai naine kargijaizele, kalliz armoizeni, nämih kuuzih nedälizih, kai pečalnoid (i) pedähäized (i) peähyön korgevuizikse kazvettih. Kai naine kargijaizeni ku en voinnuh ni suremattah ni kenen suun eduizih mennä ga. Ed ni naine kargijaizele ni, kalliz armoizeni, voinnuh ni nutnoih syvih unuizih uinottuugi unuiziz ozutellakseh. Hoz olluzih hod kukkizen (i) kurizettomale n aigaizele mittumis tahto kohtaizis kuvahtellakseh, libo voinnuzid hoz (i) kanaizien koakattamattomile aigaizile mittumis tahto kohtaiziz livahtellakseh. Hyvin on (i) kallehed (i) spoassaized (i) loajittu sinulez (i), kielyödi on (i) kirvoteltu dai. Ed voi ni mittumii otviettaizii annella, kalliz armoizeni, naizele minule kargijaizele ga. Ylen on (i) valgied syndyzed (i) sinus suuret vaivaized loajittu nämize kuuziz nedäliiziz (i). (Sih loppih).
- создал(а) перевод текста