Тексты
Вернуться к просмотру | Вернуться к списку
Vehkoih rodieu manasterin piha
История изменений
05 ноября 2025 в 15:07 Нина Шибанова
- создал(а) текст
- создал(а) текст: Vepsäläzeh Vehkoikyläh Rastavan kirikön tyveh luajitah Novod’evičiimanasterin piha. Kirikön elavuttamizen da pihan luadimizen blahoslovi Moskovan da kogo Ven’an patriarhu Kirill. Šoutjärven lohkon vepsäläzeh Vehkoi-kyläh Rastavan kirikön tyveh luajitah Novod’evičii-manasterin piha. – Elokuus myö Novod’evičii-manasterin muatušku Margaritan kel olimmo kyläs. Kivikirikön seiniellyö pagizimmo, kui kohendua sidä. Rastavan kirikkö on nostettu paikallizien eläjien varoih da pyhitetty vuvvennu 1914. Se kesti voinan, äij än vuottu seizoi hyllätynny da tyhjänny. Tuli aigu elavuttua se. Manasterin pihan luadimizen pluanat ollah suuret. Se rodieu suuri pyhilekävyjien keskus, kudai andau viriteksen kaiken tämän lohkon sotsiualu-kul’tuurizele da ekonoumizele kehityksele, kirjutti Karjalan piämies Artur Parfenčikov omal vk-sivul. Ligakuun 15.^ päivänny A-215-juaman uvven tiepalan avajazis Karjalan piämies raportoičči Ven’an prezidentale Vladimir Putinale, ku tämä juamu on prezidentan käskyn mugah luajittavan Suuren Pohjazen Ven’an Tien tärgei kohtu, kudai yhtistäy Moskovan Novod’evičii-manasterin da Solovetskoin manasterin. Tämän turistu- da pyhilekävyjien matkan kaikis pitkin pala menöy Karjalan tazavallan mualoi myöte.