Тексты

Вернуться к просмотру | Вернуться к списку

HYVÄ SYGYZY

История изменений

05 ноября 2025 в 22:40 Нина Шибанова

• создал(а) текст
• создал(а) текст: Nengostu hyviä sygyzyy Emmo ni smiettinyh, Jälles räkkie kezästy Muudu nimidä ei pidänyh. Vuotimmo viluu da vihmua, Tävvet dorogat ligua, Kiirehel kartohkan kaivandua, Marjoi da griboi tabuandua. Syvyskuu tuli lämmin, Kazvokset kabrastua andoi, Kävellä mečäs sai hätkin, Ihailla omii ruadoloi. Jätkettih kukat halvastua, Ehtittih siemenet varustua. Päiväine kylläl pastoi, Kebjieh sellitä andoi. Eulluhgi atkal pilvežäl siäl, Pellol dai mečäs ruadua sai. Ligakuul pikoi vähäzen vihmui, Jälgimäzet sienet nosti dai kylmäi. A sit meččy buitegu sytyi, Kuldazel da ruskiel värilöil läimäi. Puulois ei sua silmii ottua, Olgah taivas hot harmai, hot sinine. Himo korgiel hengi nostua, Moine on sygyzyn kaunis kuvaine! Kiitämmö luonduo armastu meij än, Karjalan čomua randua! Nengozen hyvän mendyy aij an Hengi kai voibi andua!