| 851 |
|
библейские тексты |
|
Opendused rahvahale
|
-
19
1 Paremb om olda gol’l’an da eläda todel,
mi olda [bohatan da] kelhan, da ližaks völ vähämeližen.
-
2 Hond om olda tedotoman,
i rigehtijan jaug kukištub.
-
6 Äjad tahtoiba tulda bohatoiden rindale,
lahjan andajale kaikutte om sebranik.
-
12 Kunigahan viha om kuti levan uraiduz,
a hänen hüvüz’ – kuti kaste heinil.
-
13 Meletoi poig om tatan pahamel’,
a ridlii ak – kuti räusthišpäi tippui vezi.
-
14 Kodi da elo sadas vanhembišpäi,
a melev ak om Ižandaspäi.
-
21 Äi planoid om mehen südäimes,
no täutase vaiše se, miččen kacub hüväks Ižand.
-
22 Ihastust andab mehele hüväntegend toižele,
gol’l’ mez’ om paremb, mi kelaz.
-
23 Ižandan varaiduz andab elon,
i kenel se om, se voib magata tünäs,
pahuz’ ei tule hänennoks.
-
26 Ken tatan löb, maman kodišpäi kükseb,
om huigetoi da jumalatoi poig.
|
| 852 |
|
библейские тексты |
|
Surm i elo oma kelen valdas
|
-
6 Konz pagižeb vähämeline, rida om läz,
ičeze sanoil hän sab iškendoid.
-
7 Vähämeližen kel’ vedäb händast surmha,
hänen su om verk hänen hengele.
-
10 Ken ei navedi radoid,
se om kodielon rajadajan vel’l’.
-
11 Ižandan nimi om vahv bašn’,
oiged jokseb sinna dai päzub.
-
12 Bohatuz’ bohatal om hänen vahv lidn,
hänen melen mödhe se om kuti korged aid.
-
14 Ken ei kundle lophusai i andab vastust,
se om vähämeline, putub huiktaha.
-
18 Sudas ezmäine pagizii om oiged,
no tuleb hänen vastustai dai sel’genzoitab azjoid.
-
20 Käregzunu vel’l’ om kuti päzumatoi lidn,
a ridad oma kuti luklod sen verajiš.
-
21 Sun satusišpäi om täuz’ mehen vac,
midä su kazvatab, sil se om külläine.
-
A ken eläb vedelijanke, se om meletoi da jumalatoi.]
24 Gol’l’ pakiten pakičeb,
a bohat andab vastust nena ülähäks.
-
Eraz sebranik om paremb velled.
|
| 853 |
|
библейские тексты |
|
Ižandan varaiduses
|
-
17
1 Om paremb kuiv leibkorišk da senke mir,
mi pert’ täuz’ piruid da ridoid.
-
3 Hobedale om sulatin, kuldale – pajan päč,
a mehen südänt opendab Ižand.
-
5 Ken lajib gol’l’ad, se nagrab hänen Tegijad,
ken om ihastusiš toižen gor’ale, sidä kovas opetas.
-
[Uskoližen mehen bohatuz’ om kaik mir,
jumalatomal ei ole ni grošad.]
7 Vähämeližen sun täht ei kožu melev pagin,
sen enamba korgedroduižele – kelaz kel’.
-
8 Oton andajan sil’miš lahj om kuti kalliž kivi,
vaiše kuna hän mäneb, kaiktäna ehtib.
-
12 Mehele om paremb vastata emäkondjad, kudamb kadoti poigid,
mi meletoman mehen hänen meletomiden paginoidenke.
-
14 Ridan augotiž om kuti suren veden tulend.
-
18 Vähämeline om se, ken löb kät
i andab sanan läheližen tagut.
-
24 Melevuz’ om melevan sil’miden edes,
a vähämeližen sil’mäd oma man agjas.
-
25 Vähämeline poig om tatan tusk
da maman pahamel’.
-
26 Om paha väritada oiktoid
i löda bohatoid todes.
-
28 Meletoi-ki, konz om vaitti, voib ozutadas melevaks,
i ken pidäb sun saupkes – melekahaks.
|
| 854 |
|
библейские тексты |
|
Ižandan varaiduses
|
-
4 Ižand om tehnu kaiken ičeze tahton mödhe,
jumalatoi-ki sab ičeze pahan päivän.
-
5 Kaikutte südäimes surendelii om Ižandale vastmel’he,
om todest tozi: händast kovas opetas.
-
[Hüvän ten augotiž – nece om tehta oikti.
-
Se om Jumalale enambal mel’he, mi žertvoiden tond.
-
8 Paremb om sada vähän da oiktal azjal,
mi enamban, no manitusel.
-
10 Kunigahan sus om Jumalan hengespäi tulnu sana,
hänele ei pida tehta grähkid sudas.
-
12 Värhuz’ om kunigahile vastmel’he,
sikš ku valdištim püžub todel.
-
13 Oiged pagin om mel’he kunigahale,
toden pagižijad hän navedib.
-
14 Kunigahan viha om surman vest’,
no melev voib händast lauhtutada.
-
15 Kunigahan hüväs sil’mäs om elo,
hänen hüvüz’ om kuti keväz’vihm.
-
16 Eci melevut, se om äjal paremb kuldad,
a pän oiged rad om paremb parahimad hobedad.
-
19 Paremb om eläda hilläšti gollidenke,
mi jagada sališt surendelijoidenke.
-
20 Ken vedäb azjoid melevašti, se löudab hüvüt,
ken paneb nadejad Ižandaha, se om ozakaz.
-
21 Kenel om melev südäin, sidä kucuškatas melenpidäjaks,
melev pagin ližadab mel’t.
-
22 Melevuz’ melevale om elon purde,
vähämeližuz’ om kova openduz vähämeližele.
-
24 Hüvä pagin om kuti mezi:
maged hengele i terveh hibjale.
-
25 Om teid, miččed ozutasoiš mehele oiktoikš,
no niiden lopus om surm.
-
27 Paha mez’ ecib toižele pahut,
hänen sus om kuti poltai lämoi.
-
[Hän om kuti vihan päč.]
31 Hahk pä om korktan arvon venc,
miččen voib sada vaiše toden tel.
-
32 Tirpai mez’ om paremb rohktad,
a ičtaze käziš pidäi om paremb lidnan vägestajad.
|
| 855 |
|
библейские тексты |
|
Ižandan varaiduses
|
-
4 Hilläine sana om elon pu,
pidelematoi sana murendab mel’t.
-
5 Meletoi tacib polhe ičeze tatan nevondad,
a ken kundleb opendusid, se om melev.
-
[Äjas todes om sur’ vägi,
a jumalatomid juridenke nütkäitas maspäi.]
6 Tozioiktan pertiš om äi kodielod,
a jumalatoman liža sulab.
-
8 Jumalatoman žertv om Ižandale vastmel’he,
a tozioiktan loičend om hänele mel’he.
-
9 Jumalatoman te om Ižandale vastmel’he,
a astujad toden tedme hän navedib.
-
11 Toižen mirun süvüded om avaitud Ižandan edes,
sidä enamba – mehen südäin.
-
15 Ozatomal kaik päiväd oma tuskasižed,
a kenen südäin om vessel, sil kaiken om praznik.
-
17 Om paremb kazvmusiden sömine i armastuz sen päle,
mi lihavzoittud härg da viha sen päle.
-
19 Laškan matk om kuti ogasine aid,
a tozioiktan te om siled.
-
21 Meletomuz’ om ilo vähämeližele,
a melev astub oiktad tedme.
-
22 Nevondoita rad voib muretas,
a konz om äi nevondan andajid, rad sirdäse.
-
23 Mehele tob ihastust hänen čomin sanutud sana,
i kut hüvä om, konz nece sana om sanutud tarbhal aigal.
-
[Hüväd oma Ižandale tozioiktoiden matkad,
heiden kal’t vihanikad-ki tegesoiš lähembaks.]
29 Ižand om edahan jumalatomišpäi,
a tozioiktoiden loičendoid hän kuleb.
-
31 Korv, mitte kuleb hüvin elon opendusid,
om vaiše melevil.
|
| 856 |
|
библейские тексты |
|
Ižandan varaiduses
|
-
2 Ken astub oiktad tedme, se varaidab Ižandad,
a kenen te om vär, se hondostab händast.
-
4 Kus ei ole härgid, sigä heinän purn om tühj,
no väkekahad härgäd andaba äi satust.
-
6 Vedelii mez’ ecib melevut, no ei löuda,
a melevale sada tedoid om kebn.
-
8 Melevan päazj om tedištada ičeze matk,
vähämeližen meletomuz’ veb segoidusihe.
-
10 Mez’ om üks’ ičeze gor’as,
ka hänen ihastusehe-ki niken ei voi tunktas.
-
12 Oma matkad, miččed ozutasoiš mehele oiktoikš,
no matkan lopus om surm.
-
16 Melev varaidab pahut dai sirdäse sišpäi,
a vähämeline om käred i korgednenaine.
-
20 Gol’l’ad ei navedigoi erašti hänen ičhižed-ki,
a bohatal om äi sebranikoid.
-
21 Ken ei navedi ičeze lähelišt, se tegeb grähkän,
a ken žalleičeb gollid, se om ozakaz.
-
[Pahantegijad ei tekoi, mi oma armod da mi om armastuz,]
armod da hüvüz’ om nenil, ked meletaba hüväs.
-
23 Kaikuččes radospäi om liža,
a tühjad paginad oma ližatomad.
-
26 Ižandan varaiduses om vahv tugi,
i ičeze poigile hän om kaičendtaho.
-
27 Ižandan varaiduz om elon purde,
mitte kaičeb surman verkoišpäi.
-
28 Rahvahan sures märas kunigahan korged arv kazvab,
a penes märas knäzile om gor’a.
-
29 Tirpajal mehel om äi mel’t,
a tabakaz mez’ ozutab ičeze meletomut.
-
32 Jumalatoman kükstas hänen pahuden tagut,
a tozioiktal surmas-ki om nadei.
-
33 Melevuz’ om melekahan südäimes,
vähämeližiden-ki keskes se ozutab ičtaze.
-
34 Tozioiktuz’ ülenzoitab rahvast,
zakonoiden kundlematomuz’ om rahvahiden huiged.
|
| 857 |
|
библейские тексты |
|
Melev kundleb da opendase
|
-
2 Mez’ sab hüvüt ičeze paginoil,
a zakonanmurendajiden südäimes om pahuz’.
-
7 Eraz ozutab ičtaze bohataks, hot’ hänel ei ole nimidä,
a toine ozutab ičtaze gol’l’aks, a hänel om äi kodielod.
-
[Jumalatomad segoiba grähkihe,
a tozioiktad žalleitas da armahtadas.]
10 Nenakahudespäi tuleb vaiše ridad,
melev om se, ken kundleb nevondad.
-
14 [Kelastajal poigal ei ole nimidä hüväd,
a meleval orjal om radoiš kaiken oza,
hänen matk om oiged.]
15 Melevan openduz om elon alandused,
mitte päzutab elod verkoišpäi.
-
16 Hüvä el’genduz tob hüväd mel’t,
a uskmatomiden te om jüged.
-
18 Paha sanansatai putub pahaze,
hüvä sanansatai om päzund pahaspäi.
-
20 Hüvä om hengele, konz täutasoiš hüväd tahtod,
a vähämeline ei voi tirpta putmata pahaze.
-
21 Ken om melevidenke sebras, iče-ki tegese melevaks,
a ken om meletomidenke – se putub pahaze.
|
| 858 |
|
библейские тексты |
|
Toden sanad eläba igän
|
-
12
1 Ken navedib nevondoid, se navedib tedod,
a ken ei navedi opendust, se om vähämeline.
-
4 Hüvä ak om kuti venc ičeze mužikale,
a vedelii – kuti hapatuz hänen luiš.
-
10 Tozioiged pidäb hol’t ičeze kodiživatoiš-ki,
a jumalatoman südäin om kova.
-
11 Ken pöudol radab, se püžub leibäs,
a ken ei kehta rata, se om vähämeline.
-
[Ken navedib vedämaha aigad vinad jodes,
se tob ičeze kodile pahan slavan.]
12 Jumalatoi ecib tunktas pahan verkoihe,
a tozioiktoiden jur’ om vahv.
-
15 Vähämeline lugeb ičeze matkan oiktaks,
a melev om se, ken kundleb nevondoid.
-
20 Manituz om pahantegijan südäimes,
a miruntegijal om ihastuz.
-
27 Lašk ei keitä ičeze sališt,
a radajan mehen kodielo om kalliž.
-
28 Toden matkal om elo,
sen tel ei ole surmad.
|
| 859 |
|
библейские тексты |
|
Ken abutab, sille-ki abutadas
|
-
11
1 Värad veskad oma vastmel’he Ižandale,
oiged märičend hänele om mel’he.
-
2 Kus om ülendeluz, sigä huiktuz’-ki.
-
Ken om hilläine, senke om melevuz’.
-
10 Tozioiktan oza om ihastuz kaikile,
jumalatoman kadond om praznik kaikile.
-
14 Konz om vähän opendust, rahvaz lankteb,
a konz om äi nevondoid, ka rahvahale om hüvä.
-
16 Oigedmeline ak sab slavad [mužikale,
a ak, kudamb ei navedi oiktut, om pahemb kaikid.
-
18 Jumalatoman rad om manitai,
a ken semendab hüväd, sab todesižen paukan.
-
21 Tozi om: paha ei jä kovata openduseta,
oiktan semen jäb elämaha.
-
22 Kuldrenghaine sigan nenas –
mugoine om tolkutoi čoma naine.
-
24 Eraz jagab täudel kädel, i hänele vaiše ližatas,
a toine om skup andmaha, no kaiken-se jäb gol’l’aks.
-
30 Oiktan satuz om elon pu,
melevan sanad kucuba kaikid.
|
| 860 |
|
библейские тексты |
|
Solomonan muštatišed
|
-
10
Melev poig om tatan ihastuz,
a meletoi poig om maman pahamel’.
-
5 Melev om se, ken kezal keradab,
meletoi – se, ken magadab rahnmižen aigan.
-
6 Blaslovind om tozioiktan päl,
jumalatoman su om täuz’ vägivaldad.
-
11 Tozioiktan su om elon purde,
jumalatoman su om täuz’ vägivaldad.
-
13 Melevan sus om el’genduz,
a meletomal hibjal – vic.
-
17 Ken kaičeb nevondoid, se om elon tel,
ken hül’gäidab opendust, se segoib.
-
18 Ken peitäb vihan, sil om kelaz su,
a ken pagižeb pahad toižiš, se om meletoi.
-
19 Ken äjan pagižeb, se ei voi ümbärta grähkid,
ken pidätase paginoiš, se om melev.
-
20 Tozioiktan pagin om puhtaz hobed,
jumalatoman mel’ ei maksa nimidä.
-
26 Mi om uksus hambhile vai savu sil’mile,
se om lašk hänen oigendajile.
-
29 Ižandan te om päzutandkal’l’ tozioiktoile,
pahantegijale se om varaiduz.
-
32 Tozioiktan su tedab, mi om hüväks,
a jumalatoman pagin om pahaks.
|
