Texts

Return to list | edit | delete | history | ? Help

Livvin piämurdehes Vepsän-karjalkielizes avvokorpusas

Corpus: New-writing language

Journalistic texts

Informant(s): Boiko, Tatiana
recording place: Петрозаводск, Republic of Karelia, year of recording: 2018
recorded: Andrew Krizhanovsky

Livvin piämurdehes Vepsän-karjalkielizes avvokorpusas
(Livvi)

Hyvää päiviä!

Minä olen Tatjana Boiko, karjalan kielen tutkii, ruan Kielen, literatuuran da histourien instituutas.


Karjalan kieles on kolme piämurrehtu: livvin piämurreh, varzinaiskarjalaine piämurreh da lyydin piämuurreh. Täs lyhyös paginas minä sanelen livvin piämurdehes.

Livvin kielel pagizijat karjalazet eletäh Karjalan Tazavallas, Karjalan suven Anuksen, Pitkänrannan da Priäžän piirilöin kylis.


Anuksen da Pitkänrannan (piirilöin) suurimat kylät, kus paistah livvikse, ollah Anuksenlinnu, Kotkatjärvi, Alavoine, Yllöine, Riipuškal, Boršakkal, Tuuksu, Videl, Rajakondu da Salmi.
Priäžän piiris liygiläzet eletäh kahten suuren järvienSiämärven da Vieljärvenrannoil. Siämärven karjalazet kylät ollah D’essoilu, Nuožarvi, Korzu, Ščekkil, Kuudam, Siämärvenkylä. Vieljärviläzet karjalazet eletäh Vieljärves, Kukkoilas, Jyrgiläs, (Kotčuras).

Suuren Tulomjärven rannal seizou ylen čoma da suuri kylä Kolatselgy.
Kolatsellän ymbäristön olijois kylis sežo paistah livvikse.

Livvin keldy opastetah školis, yliopistos dai pedagouguammattiopistos jo enämbän kahtukymmendy vuottu.
On piästetty ilmoih opastuskniigat, luvendukniigat, sanakniigat, kazvau kaunehliteratuuran lugumiäry livvin piämurdehel.

Kai net materjualat pannah uudeh Vepsän-karjalkielizeh avvokorpussah. Kaikin, ken opastuu livvin kieldy, ken tahtou suaha uuttu livvin kieles, voijah löydiä net materjualat Internietan kauti.

Terveh tulla uudeh Vepsän-karjalkielizeh avvokorpussah!

О ливвиковском наречии карельского языка и корпусе ВепКар
(Russian)

Добрый день!

Меня зовут Татьяна Бойко, я - исследователь ливвиковского наречия карельского языка, работаю в Институте языка, литературы и истории.


В карельском языке три наречия: ливвиковское, собственно карельское и людиковское. Я коротко расскажу о ливвиковском наречии карельского языка.

Карелы-ливвики проживают в Республике Карелия, в основном, в населённых пунктах Олонецкого, Питкярантского и Пряжинского районов южной Карелии.


Крупнейшими населёнными пунктами Олонецкого и Питкярантского районов, где говорят на ливвиковском наречии, являются Олонец, Коткозеро, Рыпушкалица, Верховье, Ильинский, Большаково, Тукса, Видлица, Салми, Погранкондуши.
В Пряжинском районе карелы-ливвики расселились вдоль берегов двух крупных озёр Карелии: Сямозера и Ведлозера. Сямозерские карелы проживают в Эссойле, Крошнозере, Щеккиле, Куудаме, Корзе, в Сямозеро. Ведлозерские карелы живут в Ведлозере, Юргилице, в Куккойле, (в Котчуре).

Деревня Колатсельга расположена на берегу озера Тулмозеро.
В Колатсельге и, прилегающих к ней других населённых пунктах, говорят на тулмозерском диалекте ливвиковского наречия карельского языка.

Ливвиковское наречие уже более 20 лет преподается в школах и в других учебных заведениях Карелии. Издана учебная литература, составлены словари, растёт ливвиковская художественная литература.

Материалы на ливвиковском наречии размещаются в новом Открытом корпусе вепсского и карельского языков.
Всем, кто изучает или интересуется ливвиковским наречием карельского языка, эти материалы будут доступны в поисковой системе сети Интернет.

Добро пожаловать в Открытый корпус вепсского и карельского языков.