VepKar :: Texts

Texts

Return to list | edit | delete | Create a new | history | Statistics | ? Help

Pelduoižen lohkon külät: (1) Nirkke, Krissan, Mel’l’ičče, Palva, Siidniemi

Pelduoižen lohkon külät: (1) Nirkke, Krissan, Mel’l’ičče, Palva, Siidniemi

Ludian
Southern Ludian (Svjatozero)
Nu muštele miittumat oldih ende külät Pelduoižen lohkos, zavodimme Anuksehpiäi.

Anuksespiäi enzimäižeks oli Nirkke.

Eli mägöü (mägöü ~ mägel), d’ärved ielnu, da ni d’oged ielnu lähin.

Muga meččekülä oli häi ka.

Anukseh sinne da ajel’t’t’ih ka, oli matkalašte kävüttih da kai d’ärved ielnu, peldod oli, korgedal kohtal.

Siid minä olin Podvodas, siid nägin Nirkan, vo Anuksespiäi kieral tulin, vai ku Ičeini elonaigas kaikes.

Nu siid d’älgele Nirkkad on Püha... pogostale piäi Krissan, on tožo mägel, peldod on ül’en hüvät.

I eläu d’ärvirandass, d’ärvi on pahnas, a hüö eletäh mägel sigä d’ärvi on.

Tožo bohattali se kül’ä eli Krissan hüvin.

Siid i kävel’t’t’ih müö emme kävünü Krissanah, nu proidides minä muštan olin sigä, azettelimokseh hebot podvodat kous vedimme siiten.

Kai panim minä puam’attih miiččet kodit, miittumat elaigat, köuhid oli vähä, ol’d’ih bohatat.

Kai ol’d’ih kaks d’atažižet kodit, ülähäižet alahaižet muga voittoli el’ettih hüvin.

Siid d’o lähtöu tännä alah d’o heittäh se dorok Siidniemen d’ärveh.

On enzimäižekse Mel’l’ičče, Mel’l’ičüöiden külä on d’üri d’ärvi’randaz eläu.

Ol’d’ih siit tožo bohatad eläjät, oli omat kožoun’at nahk, nahkat pieksettih.

Nahkat piestii, kožoun’at pidettih bohatat.

Siit oli St’opanan taluoikse kirguttih, häi oli bohatte, žiivattat keräži külid müöti, müöi da torguiheze da kai siiten.

Nu siit se gubaz oli.

Siid d’o tännä lähtöu Siidniemeh piäi Palvan külä.

Sit tož ol’d’ih, kirguttih Palvan kulakat, bohatad ül’en, oman truudan nu tožo voit, nene, bohatad ülen, vierahid ei pidettü iče ruattih, sigä meččäd da vedod vedettih da kai.

Ka bohataks pand’ih ainos siit.

Nu peldo tožo ei ülen hüväd oldu, niilüöis külis ruattih neččinä Hoikkahd’älgah, kasked ajetah, da siit poltetah, kai kolmin tuhin rugište pidet’t’ih net, Palvan bohatat da kürvettih (kürvettihkülvettih).

Nu siit se muga kül’ä sinne d’iäu, siit tulou d’o Siidniemi, Siidniem oli tožo d’ärver’randas, suuri külä oli tožo, peldod om vähäine nu kel.

Bohatištuoil on enämbe peldot, a köuhälištuöil on vähembi ka hüö tožo meččäd ruattih, ajetah kasked da, poltetah da viertäh da rugište külvetäh ozrat külvetäh, tožo üökundiz ol’d’ih.

Деревни в окрестности Пелдожи: (1) Нирка, Христьяны, Мельница, Палва, Сигнаволок

Russian
Ну, вспомни, какие деревни были раньше в окрестности Пелдожи, начнем в сторону Олонца.

В сторону Олонца первой была Нирка.

Деревня была на горе, озера не было, да и реки не было поблизости.


[Нирка] была лесной деревушкой.


[По дороге] в Олонец проезжие так заезжали [в Нирку], озера не было, поля были высокие.


Когда я была в извозе, тогда видела Нирку; из Олонца однажды ехала, всего один раз за всю свою жизнь [там была].


Ну, после Нирки [по направлению] к погосту есть Свято... Христьяны, тоже находится на горе, поля очень хорошие.

[Деревня] находится на берегу озера: озеро в ложбине, а они живут на горе, [у них] там есть озеро.


Зажиточная деревня Христьяны была, хорошо жили.


Мы не ходили в Христьяны, но проездом я была там, останавливалась, когда в извозе была.


Хорошо помню, какие были там дома, какая жизнь была: бедных было мало, богатые были.


Были даже двухэтажные дома, нижний я верхний этажи, зажиточно жили, хорошо.


Потом уже дорога спускается сюда вниз, ответвляется и ведет на Сигнаволокское озеро.

Первая [деревня] будет Мельница, расположена на самом берегу озера.


Там были также справные жители, были [у них] свои кожевни, кожу выделывали.


Кожевни были у богатых.


Там был [дом], домом Степана называли, он был богатый, скотину скупал в деревнях и перепродавал.


Ну та [деревня на берегу] губы находилась.

Потом уже в сторону Сигнаволока будет деревня Палва.


Там тоже были богатые жители, их палвинскими кулаками называли, своим трудом, богатые были, но [работников] не держали, а сами работали, лес вывозили да в извоз [ходили].


За богатых считали [их] все время.


Ну, поля были не очень хорошие в этих деревнях, подсеки рубили да сжигали в урочище Хойккадялге, сеяли рожь и до трех тысяч снопов убирали палвинские богачи.


Ну, эта деревня в стороне остается, затем будет уже деревня Сигнаволок, тоже на берегу озера, большая деревня была, пахотной земли было немного.

У богачей было больше земли, а у бедняков мало, поэтому они тоже работали на лесозаготовках, сжигали подсеки, сеяли рожь и ячмень, там и ночевали.