Texts
Return to list | edit | delete | Create a new | history | Statistics | ? Help
Gordin D’akku
Gordin D’akku
Ludian
Southern Ludian (Svjatozero)
– Gordin D’akun oligo suuri
pereh ?
Gordin D’akus tožo oli suuri pereh : heid oli n’el’l’ vel’l’este .
Iče D’akuine oli nainu Simaništos Tinas .
Se tuatto , vot , D’akukse kirguttih , nu а muamalleh sigä akale en tiedä mi oli nimi .
Nu a poigad oli hänel n’el’l’ i tütär üks oli , Oguoi .
Vahnimal poigal oli Iivan nimi , keskičuul , sen Iivanam müödäčül oli Jakku nimi , siid D’akum müödäčül oli Vas’a , Vas’am müödäčül Miša .
Nu a Oguoi se heil oli siit keskučal .
Oguoi oli omas küläz miehel D’urasovas , elettih .
Nu a poigad ned naidih , vahnim poige nai Simaništos , Ivanounakse kirguttih .
Jakku-poige nai Priäžäz Mit’uois , Nikolajouna oli .
A kolmaiš poige se , Vasil’ei D’akoulič , Sekoz nainn oli , omas küläs .
A Miša lähti kodavävükse : oli heil äi ku suuri pereh da ei tulnu ni midä heile vuittih , d’agadakseh ei suanu .
Poštaz oli kodavävü Rodim Matr’uois , vot .
Kai muud enämbi ni kedä olnu ei .
A siid d’o kačo d’o heil rodiih lapset net Iivanal oli kaks tütärtte , poige , hüö d’o omis külis kačo lähtedih , tožo keuhäl aigal da paha se keuhäs perehes : paimettih da kävel’t’t’ih da miehele mändih da siit tožo kengi kuoli da kemmidägi ruattih .
A nečil oli D’akul Pauššipoige da siit tütär Okku .
Okku mäni Priäžäh Mit’uoin Iivanale miehele .
A Paušši se nai Loginas Heglačus , Natuoi oli mučuoil nimi .
A tožo kai kačo kuol’t’t’ih ni ked ei d’iänü .
Vai on ku Mišan net poigad da siiten D’akun , se Okku vie on hengis a muid ielo pereloimus ni kedä .
– D’akuižen pereh oligo suuri ?
Kui D’akuižen pereh ?
– D’akuižen taluois ?
Ka D’akuižen vaste müö hai sanuoimme .
– Gordin D’akun , ah , se on üks sama , da ?
Nu üks sama oli se üks , heiden kai pereh se kai oli üks D’akun Gordin D’akuile kai oli nu .
– Ühtez elettih ?
Ei , neččidä ruattu , ühtes .
A nügü tulou Kuzminan taluoi .
Gordin D’akku
Ludian
Southern Ludian (Svjatozero)
Дякку Гордин
Russian
[