Texts

Return to list | edit | delete | history | ? Help

Pedri

Corpus: Dialectal texts

Southern Ludian (Svjatozero)

Informant(s): Баранцева Анна Игнатьевна, 1895, Пелдожа (Pelduoižen külä), Prjazhinsky District, Republic of Karelia
recording place: Петрозаводск, Republic of Karelia, year of recording: 1969
recorded: Баранцев Александр Павлович

Source: А.П. Баранцев, Образцы людиковской речи. Образцы корпуса людиковского идиолекта, (1978), p. 98-99
audio archive of ILLH, KarRC RAS: №1379/10

Pedri
(Ludian)

Nu otamme nügü Pedrin taluoit, kedä sigä taluoiz eli?

Pedriz eli... Pedri eli.

Heid oli kaks vel’l’este.


Nu a siid, kačo, Pedrin se oma iče diäigi, nečil elaige da akke da kai.


Pedri oli vahnim vel’l’es, a Miitrii oli nuorembe vel’l’es.


Nu Miitrii ku nai, otti Luas’ounan, lähti burlakakse, enämb eigo kačahtannu ni Pelduoižih eigoni kodid dai ni midä.


Luas’s’ounal oli kaks poigat: Danil da F’ed’a.


Nu vot hüö lähtedih tožo iminkummin elämäh da burlakuoimah da kai da siid muga eli.


A Pedri se oli, osobi eli heis.

Siid vie kačo kodi vie hüö stroittih net, Miitrain poigat D’eŕem’an D’ohoran siale sroittih hüvä kodi oli, ende voinit siit kai d’o näge eläškättih.


A Pedri eli vahnal poimestal, hänel oli lapsid äi, Pedril sil: poige oli ükse tütärtt oli, poig oli Vas’aks kučuttih, tütär oli, vahnin se Katti ainos tožo läskülüöičči da kuharkuoičči Priäžäs to Kikis, to Nazaareis, to muga.


Sid oli toine tütär Paša, siid oli Mari, siid oli Anni, siid oli Pol’l’i.


Tožo lapsit kačottih di imin kummin igä kai elettih.


A se oli neče nainnu se, muamo heiden oli otettu Mel’l’ičuoiz, D’eusev’as, muga siit kai, mändih.


Otamme nügü Löhlön kodin, kedä sigä eli?

Löhlöz... da viehäi oli Hutun, D’akun Hutun, nečen D’oškan kodi oli siit keskel.

Педри
(Russian)

Ну, возьмем теперь семейство Педри, из кого оно состояло?.

В доме Педри жили... сам Педри жил.

У них было два брата.


Ну, а потом, видишь ли, Педри сам и остался в том доме жить с женой, свое хозяйство [вел].


Педри был старший из братьев, а Мийтрий был младший.


Мийтрий как женился, взял Луасьевну, пошел бурлачить, больше и не заглядывал в Пелдожу, ни дома и ничего ему здесь не надо было.


У Луасьевны было два сына: Данил и Федя.


Ну вот, они тоже начали жить комом-ломом, да бурлачить, вот так и жили.


А Педри жил отдельно от них.

Раньше войны сыновья Мийтрия, видишь ли, еще дом построили на месте дома Дёхора Деремян, хороший был дом и здесь стали жить.


А Педри жил на старом месте, у него, у этого Педри, детей было много: сына Васей звали, cтаршая дочь была Катти, всегда была в прислугах да кухарках то в Пряже, то у Кикки, то у Назарея.


Другая дочь была Паша, третью звали Мари, затем была Анни, затем Полли.

Они тоже детей няньчили да кое-как весь век жили.


А [жена Педри] была взята из Мельниц из семьи Девсеевых.


Возьмем теперь дом Лёхлё, кто там жил?

В Лёхлё... да еще ведь был дом Хутун, Дякку Хутун, да еще дом Дёшки Хутун был там посередине.