Texts
Return to list | edit | delete | Create a new | history | Statistics | ? Help
Pedri
Pedri
Ludian
Southern Ludian (Svjatozero)
– Nu
otamme nügü Pedrin taluoit , kedä sigä taluoiz eli ?
Pedriz eli ...Pedri eli .
Heid oli kaks vel’l’este .
Nu a siid , kačo , Pedrin se oma iče diäigi , nečil elaige da akke da kai .
Pedri oli vahnim vel’l’es , a Miitrii oli nuorembe vel’l’es .
Nu Miitrii ku nai , otti Luas’ounan , lähti burlakakse , enämb eigo kačahtannu ni Pelduoižih eigoni kodid dai ni midä .
Luas’s’ounal oli kaks poigat : Danil da F’ed’a .
Nu vot hüö lähtedih tožo iminkummin elämäh da burlakuoimah da kai da siid muga eli .
A Pedri se oli , osobi eli heis .
Siid vie kačo kodi vie hüö stroittih net , Miitrain poigat D’eŕem’an D’ohoran siale sroittih hüvä kodi oli , ende voinit siit kai d’o näge eläškättih .
A Pedri eli vahnal poimestal , hänel oli lapsid äi , Pedril sil : poige oli ükse tütärtt oli , poig oli Vas’aks kučuttih , tütär oli , vahnin se Katti ainos tožo läskülüöičči da kuharkuoičči Priäžäs to Kikis , to Nazaareis , to muga .
Sid oli toine tütär Paša , siid oli Mari , siid oli Anni , siid oli Pol’l’i .
Tožo lapsit kačottih di imin kummin igä kai elettih .
A se oli neče nainnu se , muamo heiden oli otettu Mel’l’ičuoiz , D’eusev’as , muga siit kai , mändih .
– Otamme nügü Löhlön kodin , kedä sigä eli ?
Löhlöz ...da viehäi oli Hutun , D’akun Hutun , nečen D’oškan kodi oli siit keskel .
Pedri
Ludian
Southern Ludian (Svjatozero)