Texts
Return to list | edit | delete | Create a new | history | Statistics | ? Help
D’ermolajovat
D’ermolajovat
Ludian
Southern Ludian (Svjatozero)
– Nügü
tulou D’eremejevän .
D’ermolajovan !
– D’ermolaajovan .
D’ermolajovakse .Se D’eremejeväd on toižet , a sinä pane D’ermolaajovakse .
– Nu D’ermolaajovakse .
D’ermolajovaz oli , tožo muštan , starikk oli moine rättü starikaine i staruuha pieni oli , ei tobd’e .
Starikk oli nainu , D’ermolajovan Vas’akse kirguttih , Rodiz oli nainu , Grigorjounaks kirguttih staruuhat .
Griišan Rodin sizär .
Oli sinnä ku tüötäh omas küläz midä tahto tuldah ka mami ainoz nevvuoi : tämä on nenga , tämä nenga , sano nenga , diädöks libo , ižän nimel sano .
Nevvov häi : ”Neŋga što , Grigorjoun , da siit Vas’a-diädö libo midä häi , neččiz oli Griišan Rodin ”.
Heill oli tožo last ei äijät , heil’ oli laste kaks , poigad oli da kaks tütärtte .
Vahnimal poigal oli Fed’a , toin oli Semuoi , tütär oli Maša , kolmaiž oli Oša .
Tožo pahaz elaigaz elettih , ainoz burlakuoittih .
Maša se ainos Priäžäs käskülüöičči : Zaijecoviz , da Nazareiz , da Kikiz , da kai .
Oša tožo mua ilmad müoti käveli , lapsid kačuoi .
Nu a siid d’o brihačud ned rodittih ka pilittih ainoz laudat pilittih Semuoi dai Fed’a , ühtez burlakuoitah .
A siid d’o kačo net muamot kuol’t’t’ih dai kai .
A siid d’o , kačo , se Fed’a nai , Kodžuriz nai , otti D’eus’ounän , Dašakse kirguttih .
Nu siiten hüö ku Kindahah burlakuoittih kävüttih Kindahah pilofkah .
Siid i Semuoi sigä nai , otti Toruoin Iivanan tüttären , Maluoin .
Vot tul’d’ih d’o Pelduoižiz elettih da kai .
A siit , kačo , rodittiheze ned voinad da kävelüksed .
Da krasnopartizanad da kai sii hüö lähtedih part’einuoikse da sinnä burlakuoiččemah da kai da sii muga siid ol’d’ih .
Siit Fed’a se ...Semuoi en tiä kunna lähti .
D’esvit’el’ńuoin služban služii (minä muštan eno hüvim ) moine farsovuoi briha tuli , da kai , da forsii ,da kai .
A siid nai da lähti voinile , en ,tiä kunna sinnä häi i kuoli .
Ej olnu ...
Akke se d’iäi hänen se Ivaanouna tožo eli vähäižen .
Da vie hänel tütär d’iäi , An’a , Kindahaz ainoz buabolloh eli sigä , nu siid buabolloh eli .
A toižel Man’a se d’iäi .
Učii se Fed’a , učii , lорii nečen t’ehnikuman lidnas , da nügü ruadau täs Petrouskuoil narsudas , se Man’a .
A muamah tožo kuoli voinan aiga .
Vot heiden sit pereh kai sih lopiiheze .
D’ermolajovat
Ludian
Southern Ludian (Svjatozero)