Texts
Return to list | edit | delete | Create a new | history | Statistics | ? Help
Märän pereh
Märän pereh
Ludian
Southern Ludian (Svjatozero)
– Märän pereh
nügü tulou .
Märäm pereh siit tuli hüö oldih ..
Oli heid oli , kačo , Hutun D’oškad , D’oškad da D’oška da D’akku da Iivan da D’akut ol’d’ih , häi ühte pereloimud ol’d’ih .
Se Märäkse kirguttih .
En tiä mikse heid Märäkse kirguttih , D’oškan se pereloimu , nu , Märäks kirguttih .
Märä oli nainu se Huabanovas .
Nu siid minä muštan sil muštaakse .
Kačo , tožo laste rodiihez , art’t’eli oli : Miikkul , siid oli Nastuoi , siid oli Anni , siid oli Mari .
Kai lähtedih Piit’erih d’o , sigä hüö elettih sigä .
Kačo , ende keuhil lapsit kerättih Piit’erih , müödih siid heil d’engad andetah .
Siid izvoššikat kerättih , siid hüö lähtedih Piit’erih : Mari lähti , Anni lähti , a Nastuoi mäni miehele , а Miikkui muga siid burlakuoičči da kai ka tožo ej olnu naižis , kuoli .
Nastuoi mäni miehele Sürd’äh , Iudan Bokule , se vahnin tütär .
A iče staruuha sih d’iäi kačo poige se kuoli , da tüttäred lähtedih L’eningradah .
Da kai ka karttiži , küläs käveli , keh kučutah kartidammah .
Siid i minä sil’ i muštan , häi meile kävüi ainos .
Tulou , nu ...
Tüötäh minud mäne , kuču d’o , min olin d’o miehel siit : ”Mäne , kuču , Mihaalounat kartidammah ”.
Siit tulou , siit pagižou pagižou , kaikket sigä šuuttiu moin oli šuutkakaz akke , šmötkü akuoid oli .
Sanou : ”Oj ,oj ,oi , forsitte ?
Da oldah da kai , - sanou , -Pelduoižiz naidah , sanou , da oldah omas küläz otetah ka počinheinät pordahiden tüveh , min olen , sanou , kačo hel’enheinü tuodu , sanou , olen loitton , Huabanovas ”.
”Heibonheine olen ”, - sanou .
Vot siid ainos se sana tuli igäks , d’uohtuv .
Vot la miittuman hebonheinän tuoi .
Oli muguoine šmötkü akuoid ei hüvä , forsovuoi .
Nu vot sih heiden se pereloimu kai i lopiiheze .
Märän pereh
Ludian
Southern Ludian (Svjatozero)
Семейство Мярян
Russian
[
«