Texts

Return to list | edit | delete | history | ? Help

Kaški

Corpus: Dialectal texts

Vesyegonsk

Informant(s): Smirnova Vasilisa Mihailovna, 1898, Ivangora (Ivangora), Vesyegonsky district, Tverskaya (Kalininskaya) Oblast
year of recording: 1973
recorded: Пунжина Александра Васильевна

Source: Образцы карельской речи. I. Говоры Республики Карелии, тихвинских и тверских карел, (1994), p. 243-244
audio archive of ILLH, KarRC RAS: №1974/1-3

Kaški
(Karelian Proper)

Kuin luajittih kaškie?

Kaškie? Kaškie on prosto luad’ie. Huhta uber’ie čisto, ka on pahembi, a kaškie, kaškie luajittih kuin? Meččiä uglaz’en erotettih, šežen l’eikattih, okšat karžittii, vot. Hir’r’et talvella uver’itti, a n’ämä okšat kuivettii, keviäl’l’ä män’i da vir’it’t’i, n’ämä okšat, ka i kaški. Šiid’ä ol’i, čapuhat muoz’et, a n’iin že kun adra, vain hüö oldih, kohal’l’iz’et čorpat, ka n’äin. N’ügün’e aštova, i müö luajima, mie muis’an, n’in t’ämä ol’i aštova puuhin’e, t’ämä čapuha ol’i. Konža tämän jäl’geh kun kül’vät, muada vähäz’en roičč šiel’d’ä. ... Viel’ä mie ka t’äl’l’ä aštovalla, puusalla, meil’ä luajimma šordoz’et, annettih šilloin. N’in vain hieno mänöw meččä, hieno mänöw, jär’ied’ä ewlun. Ka kuužta, ka aivin l’eppiä d, šei mid’äi kadajua tuhjuo. Ka šen’e tuhjot l’eikkaimma, kaikkie müöt’en kaššen poltettii. Šez’iid’ä pid’i meil’ä, t’äd’ä, aštoija muada šuaha, ka puuhiz’ella ka šil’l’ä aštovalla i t’ukaiččiečettih. Heil’ä aštova toppie s’en’ie, ül’äh noštaw, juurda ker’iäw kaikkie. A män’ie ol’i kaški mečäl’l’ä! Ozrat, t’ähkät n’in ka t’ämän pidahuot.

A mid’ä ed’izeh kül’vet’t’ih kaškella?

Ozra, par’emmiin kažvo, kagra kažvaw i žitkoimbah muah, a t’ämä pid’äw, ... ozrua kül’vet’t’ih. Da, tuhkah, šiel’ä vähägo on okšua, poltat. Ozra šuvaččow enämmän tajehta, kagra hot’ kažvua kažvaw, i kagra hüvin šuvaččow.