Texts
Return to list | edit | delete | Create a new | history | Statistics | ? Help
Primetad
Primetad
Veps
Central Eastern Veps
1. Üunanpääd vast
lämbitadas kül’betin’ , tehtas vastaižed koivuspäi i pandas cvetud keskhe , vastoiše nečin’ vastau i vastan tačitas päliči päs kül’betin’ pälo .Kunapäi lankteb tüvi , ka sinna i lähted mehele .
2. Uden voden vast pandihe güväd kogoižidme; kenen kogoižen kokaidab kukoi , se döočk i mehele lähteb .
3. Sv’atkoiden puuttihe tohused , kudamboho bokha tohus zavodip palada , sinna bokha lähted mehele .
4. Il’l’ampääks kenni kazvatab žertvaks härgan .Lihä kiittas pažagau sures katl’as , kaumžomoil’ čaptas supalaižile i kaikile anttas muruižin’ .
5. Suren nel’l’ampään mecnikad lähttas püutho edou päivin’kad i amptas sigau .
6. Homesuu , eduu päivin’kad ižand lugeb dengäd , emag käup vedele , top vädran vet , nuustatap lapsid’ i käskep pestakse nečiu veduu .
7. Živatoile emag čapab händad , kanoil’-ki čapap händad .
8. Emag oigendab lapsen mecha , käskep toda kavazludan , tegeb uden kavazludan , а kulun paneb siiphän päle , miše habukad ii södaiž kezau kanoid’ .
9. Sv’atkoiden käutihe tesaroihe kundoumaha; ottas rehtipalikon i pirtas krugan rehtipalikou .
Kuumen kesken mändas krugha i kundoudas .
Ken ii lähte mehele , ka sille kuluse pajad; ken lähteb mehele , ka sille kuluse keloižed; ken kolob , ka sille kuluse pričetat .
10. Sv’atkoiden pölusen allo tehtas lähtkudon spičkišpäi ili puikiižišpäi i sanutas : «Bohosuženi , bogor’aženi , tule hebod g’otmaha ».
Hän tulob hebod g’otmaha i pakičeb vädrad hebon g’ottes .
11. Gürginpään ižand tulop pagastaupäi , otab seglan , panob seglha liibäd kaurigan i g’umalan , proidub ümbri živatoiš kuume kerdad i potom pästab irdalo vähäižeks .
12. Konz lehm ii siižu lüpstes , ka siloi lehmale panoudihe murz’aimen poboinikan pähä .
13. Konz lehm ii siižu lüpstes , siloi konz g’oman kanttas tanhale , ka kuum’uu kündusou siižutadas vädran , sanutas : «Min plotte siižub kündus , sen plotte siižuiž minun Mustei ».
14. Konz rugiž lainištab , sanutas : bolounicaižed ajetas (bolounicaižed oma kuti rugižižandaižed , mustaižed ).
15. Ristitulo kudamb om redukas , sanutas : olod must kuti bolounic .
16. Konz päivin’ka paštap i vihmup , ka uponudot rahvas guleidas .
17. Konz lapsou langetas maidhamphad , tačitas päčin’ taga i sanutas : hiroi , haroi , na sineiž puine , anda minein’ luine .
18. Kezraine pandas lapsele kaglha , miše pahemba magadaiž .
19. Kündod čaptas i pandas povehe , miše konz kolod , ka siloi sigä om stekl’anni mägi , künded abutadas libuda mägehe .
20. Konz mel’nicn’ik hondon g’auhon tegeb , ka siloi pästtas sigan kärzan (kuivatut ) plotinaha , miše murendaiž plotinan i sanutas : «Kut siga man murdab , muga i plotinan murdaiž ».
21. Živat konz kadob ka siloi pandas gostincad .
Gostincad vedas mecha .Gostincoihe pandas liibäd kaks kromašt’ , čapetas kahtos kaurigaspäi , pandas solad vähäižen , pandas saharad , pandas čajud , pandas tabakod , pandas spičkad sinna , a potom kärautas ripakoižehe i vedas mecha , i riputadas oksaiželo .
Ken panob ka nece kumardeleso kuumhe bokha .
Siloi lüuduse lehm .
Ristad konz tačitas , siloi mugažo lüuduse lehm .
A konz iile hengiš sida živatad , kudamale pandas gostincad , siloi mecas pahoin’ sur’ tullii libub .
Ristad tesaroihe tačitas .
22. Vederist’miden čapetihe proluban g’ogelo .
Proluban verele čapetas ristan .
Tulop pap pagastaupäi , služban služib , potom kül’betab ristan .
Ristan kül’betab konz ka siloi rahvaz zavot’t’as kül’ptakse i ottas veden kodihe .
Nece nazįvaiše ristvezi .
Ristveduu pezotadas erašti lapsid’ .
Konz lehmad kanttas ka lehmid’ pezotadas .
23. Sv’atkoiden kudesoikš käutas .
Ken sädasoi čomihe , a ken sädasoi ripakoihe .
Vot i käutas besedoid’me der’uun der’uun’ah’a .
Ristad tehtas tesaroihe , kundoudas .
Kelle kilusoi paja , kelle kulusoi keloižed , kelle kulusoi voik .
Ristad tehtas – ottas kaks puikošt’ , haugaitas ühten puikoižen , a toižen pandas nečhe pazaižehe .
24. Püuhan tapetas , tapmen alle langetas pästred .
Nenod pästred ottas prihäižed , kandištas püutho i puuttas .
Ottas siiphad kädehe .
Konz pästred palaškatas ka nenod pästred prihäižed töngutadas i sanudas : «Udou voduu necen pitte püuaz kazgaha ».
Primetad
Veps
Central Eastern Veps