VepKar :: Texts

Texts

Return to list | edit | delete | Create a new | history | Statistics | ? Help

Päčis paštettii

Päčis paštettii

Ludian
Northern Ludian (Kondopoga)
Kui päčči valmištettih paštandah niäh?

Ka val’mištettii, enzimai haugot pandaa koivušte. Ku pid’ää äi striäpn’ät, ka pandaa en’ämb halgot koivušt. A ku vähemp ka pandii tädä l’eppät. L’eppäd meil nazivajuca. No, lepäšte haldoštou t’eramp paštaa dai ei muga žuarat. A ku l’eibäd äi vis- striepn’ät ka koivušte pandaa. Šiit ku konz lämbidää hiil’ed d’iädää, oli koukut. Koukk on tobd’e. Šil koukul kai vedää, vedetaa halgot. Tämä tulihaut, oli tel’ tulihaut. Šiid net tulihaudaa tobd’embad viedaa, ilii sambutettaa hiil’et se samvaaraa, štobi čaajut keittai ka pidi hiil’t sambutada.

Nu kezräta tiedat?

A edeh diätetää. Eduksen ede štobi žuaral iškeiš l’eib e h ot’ mi(d)ä, ka piäv d’iettää päčin edee. A šiid e pandaa t’ämä zaslon päččii nazivajece. Se zaslon, päčin. Nu vot i muga päčin püühkit šit e. D’äl’gee koukut p’ühkitää habul. Habu on luadittu patok, pandu habu se nazivajece. Kastetaa vedee i p’ühhetää hüvii, štob ei dieiš ni mid’ä šigä. Vot i paštetaa, labid oo moin’e oo varden nu labit meil kül’äs labit.

Siit labidole pandah l’eibe?

Nu labid oo l’eibäd da.

Pandah sinnä to jes’.

Nu luadittu se l’eip pandaa labidale, labidan ke päččii. A šigä piä otetaa. D’o opitaa kolotittaa. T’ännä alahakš. Koližoo, što hot’ d’o tiettaa i nämä mit’t’e on val’miž vai ei.

Daa. Eigo palettu l’eibät?

Ei! Vit’t’ žuaran se kačelet, zaslonan ottelet. Ku ken ei näge ka, päre an ainoš šiit. Päri pandaa tälle hiilile. Hän viridää. Nu i šille kačotaa päčis.

Miittumas d’auhos azuttii l’eibe?

Rugehižes. Rugehižess aino meil rugehin’e l’eib.

A keskee panda.

Aa. Jesli olnoo. Oletel’ meil i kagraine ka se d’o luaditaa tošte.

Kagre ozrašt.

Oli nečil s’akijat ka no en’ämb dol’a rugehište.

Nu osnou nom se.

Nu olnou mid’ä, ka pandaa vähäine šiga kell mit’t’e on. Mit’t’e se elokses. Mit’t’ut on d’auho ve kodiš.