Texts
Return to list | edit | delete | Create a new | history | Statistics | ? Help
Ser’gövät
Ser’gövät
Ludian
Southern Ludian (Svjatozero)
– Nu
kedä oli Ser’gövas ?
Ser’göväz oli tožo ...S’er’göu Filipp oli .
Üks hänel oli pereh se vai , da vel’l’ oli S’er’göu , S’er’gii .
S’er’giig oli vai entiä mi ...
Hänel nenä oli moine nenga kakššuoraine .
Nu da siit nečč oli akke , entiä kuz otett , oli moine viär’d’alge , oli muguoine pikkaraine , S’er’gäin akkaks kirguttih .
Entiä kuz otettu .
A tämä Hilipp oli nainu ...
Oi , pahuoim minä sanon .
Se oli S’er’gäin , poige Hilippe , muid olnu ni kedä ei heil .
Üks neče oli sizär S’er’gäin tütär .
Se oli Lidžmil miehel .
Entiä kui , oi kui em voi sanoda kuj oli , muštattai sidä taluoit , se üks sizär oli , nu .
A Hilipäle rodiiheze ...oli nainu Pešam Mišas .
Nu a neč oli poige rodiih , sille Hilipäle : Griišše , da Peša , da siit Paša-tütär .
Enämbi ni olnu ni kedä ei , vot , kaks poigad da tütär oli .
Griišš oli nainu Präkäs Paušis .
A Peša nai , entiä kui häi Solomanis sigä burlakuoičči da kai Solomaniz nai miidne liennöü olnu , suomelaine .
Vot Sima , entiä kui kirguttih , Sima se Pešan akke .
Nu a Paša mäni St’opin Iivanalе , St’oppih miehele , omas küläs .
Muid ni kedä ni olnu ei .
A neč oli Griišše se Präkäs nainu F’odorouna .
Ka heil ni laste ni sous’em ni olnu ei .
Toko ainos Hilippe kirgui ”Präkišnä ”, ”meiden Präkišnä ”: ”Vedi Präkäs Präkišnän , sanou , eig ole plodud ”.
Eigo ni oppinu ni suada ei .
A Peša se , ku Siman ker ühtüttih ka hänell oli poigad dai tütärtte dai kai ...oi , tütärt ielnu , poigad oli .
Kuoli se , enzimäine akke hänel .
Poigad d’o lähtedih suurekse , kolme poigad oli , ainoz d’agettiheze .
Se vai toratah dai sel’sovettah d’agamaheze .
Da kai d’agett ei , siid d’älgele hüö d’agettiheze : üks Peša se eli ülähän , a Griišš alahan .
Nu siit kačo Griišal akke kuoli .
Griišše uudessah nai , otti Agd’an St’opanan Mikin akan sih .
Siid d’o kuol’t’t’ih net akke kuoli se , Hilipihke kuoli , dai Hilippe kuol’t’t’ih , dai Griiššat kuol’t’t’ih .
Siid d’o d’iäi sih üks Paulouna heidem pomestale , a Peša lähti burlakakse , enämbi ni tulnu ei .
Solomaniz oli heil omat hebod da kai .
Elettih , siit kui liennou , sanottih , tapuoi vai entiä midä .
Sii häi oli türmäs , se Peša , ištui .
Ol’eks’ouna kuoli .
Sanottih sus’edat sanottih , što tapuoi hänen .
Siid ištui , sig entiä min aigat türmäs , siid d’o häi sigä türmäspiäi tuli kodih .
D’o ol’d’ih kačo tägä kolhozad dai kai , siit kolhozas kävel’ .
Siid opii vie leskit kozita , ni ken ei männü omammualližet .
Kačo sluave lähti , tapuoi akan .
Ka siit häi Röbätäz otti Grigor’d’ounan .
Vot , sen tožo akan kaikem muokkaži .
Siid d’o kačo häi osti Tin’t’us kodin .
Tin’t’un ned müödih Troškovan vel’l’ekset , n’eičükäd müödih , heit tapettih , kačo , vel’l’id da kai , ka neičükäd müödih .
Siit Priäžäh häi kodin sen Peša vedi kodin sroii .
Nu , a siid d’o hänel tämä Grigorjounan ker rodiiheze ...
Poigan suai Grigord’ouna nuori .
Nu a siid elettih da mädžištih da ol’d’ih sih , häi iče kuoli Peša .
Grigorjouna d’iäi hengih da siid nügü siit Priäžäz eläu poigan ker .
Kodin sroii da siiten kodiz eletäh .
A sille Ol’eks’ounan poigile ei andettu vuittid , ni midä , vie ečittih k ei andettu vuittid entiä min’d’äh .
Priäžäh kävel’t’t’ih , Ol’eks’ounan poigad eččimäh , vuittit k ei andettu siit kodis , kudamas , vedi se Peša da Grigorjouna vedettih ostettih kodi da Priäžäh sroittih Tin’t’un kodi Pelduoižispiäi .
Nu vot siid nügü se eläu poiganker , midä se Grigord’ouna , toine akke .
D’og on laste vai entiä .
Ser’gövät
Ludian
Southern Ludian (Svjatozero)