Texts
Return to list | edit | delete | Create a new | history | Statistics | ? Help
L’evoskan Iivan an pereh
L’evoskan Iivan an pereh
Ludian
Southern Ludian (Svjatozero)
– Nu
a kedäbo eli L’evoskan taluois ?
Ka L’evoskan taluois heill elettih siid vie ...
Kač ol’d’ih Titovan rodud ol’d’ih vel’l’este oli D’oška da Iivan .
L’evoskan se oli Iivan , vahnembe vel’l’i , a D’oška nuorembe vel’l’i oli .
Nu vot .
Siid i L’evoskakulu se kačo vahnembe vel’l’i da , häi vie kodis siiten kin’čištelih , eli da ka .
A D’oška burlakuoičči , enzimäi lidnaz burlakuoičči , vit’ keuhäle krome lidnad ei suanu piät süöttäi .
Pidi tägä burlakuoita da süödä palaine , nu , vot .
A siid e , kačo , heil L’evoskal da D’oškal еj olnu ni kedä , tädit , nečil oli , vai ku sil .
L’evoskan akal oli Matrosas sizär , toin oli Pid’moz’eras .
Kondruoiz otett oli se Gruša , da Fen’a vai end’o tiedä mi oli Maša oli da Gruša , nu .
Nu , a siid e neč olihäi se L’evosk oli nainu Kondruois .
Vot oli häi Kondruoi , Gordin Kondruoi , vot sen oli tütär Kondrat’ouna ...ei tütär , a sizär oli , vot .
Kondrat’ounaks kirguttih se akkat , nu .
Siid hüö zavodittih siid elädä .
Nu kačo se vel’l’i se lähti burlakakse lidnah D’oška , nu , a se ...Dašačiikse kirguttih vai Duard’aks vai entiä mikse kirgui staruha moine oli d’ärei roža .
Siid rodiiheze hänele Mari-tütär sille L’evoskale , da siid rodiiheze Trošši da Peša , kaks oligi , nu .
Muari ainos kuharkuoičči .
Da vie Nataša oli , tožo nel’l’ last oli , kačo , sil L’evoskal .
Nu , kunna mänet sinä köuhe mužikke ?
Eigo sua vedoh lapsid viedä , eigo midä , nu .
Mari se ainos , kuharkuoičči , too Präkäs Kondruoin D’ešas , to Priäžäs , to kuda kuzgi .
A se Kondruoin D’eša oli heile rodn’e ka , enimälleh Präkäz oli se Mari , vahnin tütär .
A Trošši rodiih ku vie suamah .
Da kai ni školaz eivoinu uččidakseh , paimenzi , küläs .
Peša tožo paimenzi , da tožo küläh , da burlakaks da sen toižen da siid häi , ei hätked ni elänü , kuoli se Peša .
A Trošši , kačo , voinale tapettih , Peša se kuoli .
Nu a Nataša tožo hätken eli .
Nu , muamas se kuoli , siit häi kuharkuoičči pogostal Nataša , Ort’uoin Ol’ešas enimälleh da siit Fal’kkinaz .
Da kus palaine süötettih , siid i kuharkuoičči se Nataša .
Nu siit sigä kačo kuharkuoičči , da siid i sigäi miehel anduoi Ort’uoin Ol’eša se kupce , sinnä Triifonanan , Triifonovan Ol’ešale miehele anduoi .
Nu a sit ku se Kondrat’ouna kuoli , lapsed ned d’iädih .
Siit kačo Mari mäni miehele , muamah aiga vie siit mäni miehele Agd’an St’opanan Pešale mäni .
Ei männüiš , ka andettih : kunna mänet ?
Burlakuoita pidäu ainos , ka mäni miehele , nu .
Siit se Kondrat’ouna kuoli , L’evoska d’iäi se Iivan , leskekse .
Siid ed ole tožo last on , ka kui olet sinä hätken leskennü , nuorembad da kai siid lapset ka .
Siid häi mäni Kirvezd’ärve ...ei Kirvezd’ärveh , Pedäilambih .
Siit Pedäilambis sigä löuttih hänel akke se Pol’a .
Pol’a Ivanounaks kirguttih .
Siit se vit’ende ei hätket duumaittu , nügü duumaitah hätki da kai .
A siit mäni mužikke sulhašči , ponraviih dai kieraz dai astu iäres ...
Nu , a siid hüö kir’utettiheze tägä , da tuldih da , siid Ivanouna davai siid elädä da kai , siid heil lähti se oma pereh .
Da siid d’o kai net , kačo , lähtedih Trošit kodavävüikse , da kai da iminkummin d’o .
S Ivanouna suai Oguoin da Šan’an siid Iivanas , kaks suaigi , enämbi ni oln еi .
Nu siid hüö sih elämäh d olemah , da siid Iivan se kuoli keskeinigät L’evoska .
Nu a siid Ivanouna sih d’iäi , siid Ivaanouna iče lähti tüttäridenker burlakakse .
To Priäžäs , to pogostal , da siit , muga burlakuoičči , burlakuoičči , da siid lidnah nügü tännä tuli da .
Siid neičükäd entiä kui ustroittiheze stro nenih , parahocvah ruadoh da vai .
Da siitem muga hüö tänn otettihgi muamo lidnah .
N’üg entiä , vieg on kedä heil hengiz vai ei ole .
Männüižih vuozih vie s Iivaanouna oli hengis , a entiedä kuz oldah .
Vot siid heiden kai prikol’enii lopiihezegi .
L’evoskan Iivan an pereh
Ludian
Southern Ludian (Svjatozero)