Texts
Return to list | edit | delete | Create a new | history | Statistics | ? Help
Ende nalogat pandih eläid müöti
Ende nalogat pandih eläid müöti
Ludian
Southern Ludian (Svjatozero)
– Ende
sigä kui nalogat pandih eläjid müöti ?
Eläid müöti , kui kučuttih , sigä .
On kui täs sinä stolal sanot , häi on häi zapiske .
Tulou pogostalpiäi sigä , kačo , stuaroste libo borššikad libo ken ; üks stuaroste keräži da siit sockuoi küläz naznačitah .
Tulou senker hot’ täh sigä sanotah kümmenikäle .
Kummennik ajau kaikeee külän : ”Täh kerähmöh tulgatte !”
Nu , vot siiten objasnitah , kui kem miituine familii tulou sit kir’uttau : tämä tälle , tämän tälle on .
Mi on sigä pandu podušnuoit maksai pidin ende sanottih podušnuoi .
Vot mi pidäu maksai , voitko maksai äijängo void andai kopeikkat .
Kui nügü vot kir’utatte mugai sigä se zboršikke da stuaroste kir’utettih .
– A kous kučuttih , kuibo siid , l’üudikse vai ?
L’üudikse , l’üudikse .
– Lüudikse vai .
L’üudikse !
– Ven’an nimet ?
Ei !
– Hol’otettih ?
Ka täz minä famil’ait sanuoin ...mugai sanotah : ”Tämä tule vel’l’i , sano , Kač , minä nügü sinule voidgo maksai podušnuoit libo midätahto ?”
L’üudiks sanottih .
Siit tulou lähembä stolat kudai sigä počeredno sigä sanou famil’ain , tulou stolalloh ištuheze skamn’ale libo midä .
Siiten sigä , sanou , stolal .
Daže in’t’eresno kaččoj on , siit turkiis siit , kuritah siid oldah , siit pagištah .
Ku sanou sigä d’oo borššikke da siiten neče stuaroste kerädäjäd : ”Vel’l’i , dovarišat , nügü sobraanii lopiiheze , voitte koduluoih mändä ”.
Siit , kem midägi rubetah pagižemmah , siit kaikket pobas’onkuoit sanomah da kai , siit kengi kodih .
Ken kunnagi , a vid’ erähäd nen ol’d’ih mužikad burlakkannu , fa akad ol’d’ih .
Akad vie hätkembi ištuttih siid enembäl l’assat točitah , šokkat pestäh .
Ende nalogat pandih eläid müöti
Ludian
Southern Ludian (Svjatozero)