Texts
Return to list | edit | delete | Create a new | history | Statistics | ? Help
Yksitoistakymmeneš piä (Yheštoista piä)
Yksitoistakymmeneš piä (Yheštoista piä)
Karelian Proper
New written Tver
1 I
kuin loppi Iisus vakuštamizen kahellatoistakymmenellä omilla opaššettavilla , läksi šieldä hiän omih linnoih opaštamah da šanelomah .
2 Iivana rauvoisa kuuluštahuo Šyndyruohtinan aziet , työndi kahta omista opaššettavista .
3 Šano hänellä : Šiego olet tulija , ali toista vuotamma ?
4 I vaštah šano heilä Iisus : Mängiä , šanokkua Iivanalla , midä kuuletta i niättä :
5 Šogiet nähäh i rammat kävelläh , kibey ey dynyöt puhaštuačetah , i kuurnehet kuullah ; kuolluot virrotah i niistiet hyvin paissah ;
6 I ožakaš že on , ken milma vaš ei muanittuače .
7 Niijen lähtehyö , rubei Iisus rahvahalla Iivanan näh pagizomah : Midä tulija kaččomah šaloh ?
Vežuago tuulešta lekkujua ?
8 I midä työ tulija kaččomah ?
Inehmistägo pehmeih vuatteih šuorinnutta ?Ka , ket pehmeidä pietäh , kuningahien kodiloisa ollah .
9 A midä työ tulija kaččomah ?
Prorokkuago ?Niin šanon teilä , i šuurembua prorokkua .
10 Tämä on že , kumbazen näh on kirjutettu : Ka mie työnnän miun Angelin ieldä päin šilma , kumbane šiun ieššä valmistau šiun tien .
11 Aminʼ šanon teilä : Eule šyndynyttä naizista šuurembua rissittäjiä Iivanua ; a pienembi taivaškuningahuošša šuurembi on händä .
12 Rissittäjän Iivanan päivistä täh šua taivaškuningahuš on vägivalloisa , i vägivallallizet händä kissotah .
13 Kaiki prorokat i zakona Iivanah šua ieldä päin šanottih .
14 I kuin tahtonetta ottua , tämä on tulomašša Il’l’a .
15 Kellä ollah korvat kuulla , kuulgah .
16 Kenenjyttyökši panen tämän rodukunnan ?
Hiän on yhenjytyš lapšien kera , istujien pihoila i toine toizella mögizijen ,
17 I pagizijien : Šoittima teilä , i että karran ; itkimä teilä , i että ulvon .
18 Tuli Iivana , eigo šyöjä , eigo juoja ; i paissah : Lembo häneššä .
19 Tuli inehmizen Poiga , kumbane šyöy i juou ; i paissah : Ka inehmine šyömäri i juomari , mitarilojen i riähkähizien velli .
I oijenduačih tiedävyš omista poijista .
20 Šilloin rubei Iisus moittimah linnoja , kumbazissa hiän luadi äijä kummua , i ei kohenduačettu .
21 Paha šiula , Horazina , paha šiula , Vifsaida ; kuin ois’ ollun Tiirašša i Sidonašša žen verda kummie mi teissä , ammuin jo pahoisa vuatteissa i tuhkašša šanottais’ omat riähät .
22 Šanon mie teilä : Hoivembi liey Tiiralla i Sidonalla toizella ilmalla , mi teilä .
23 I šie , Kapernauma , kumbane taivahaže šua noužit , uaduh šua alenet ; žentäh kuin ois’ ollun Sodomoisa žen verda kummua , mi teisä , täh šua hyö šäilyttäis’ .
24 Šanon mie teilä : Hoivembi liey Sodomoin mualla toizella ilmalla , mi šiula .
25 Šinä aigana niin vielä Iisus šano : Tunnuštuačen mie šiula , Tuatto , taivahan i muan Herra , šie peitit tämän mielövistä i tiedäjistä , a ožutit lapšilla .
26 Niin , Tuatto , šiun tahtondua myötʼ niin tuli .
27 Kaiki on annettu miula miun Tuatošta ; eigo ken tiijä Poigua , vain Tuatto ; eigo Tuattuo ken tiijä , vain Poiga , i kellä tahtonou ožuttua Poiga .
28 Tulgua miun luo kaikin vaivuačijat i jygienkandajat , i mie tiät lebäytän .
29 Ottakkua miun valda iččien piällä i opaštukkua miušta ; mie tyyni olen i pehmiešiämine , i löyvättä lebävön tiän hengiloilä .
30 Valda miun on hyvä , i takka miun kebie .
Yksitoistakymmeneš piä (Yheštoista piä)
Karelian Proper
New written Tver
5
6
17