VepKar :: Texts

Texts

Return to list | edit | delete | Create a new | history | Statistics | ? Help

Lapsennu harjaitettih ruadoh

Lapsennu harjaitettih ruadoh

Livvi
Vedlozero
Baban kel, gu mustella, ainos pidi kytkie pelvas. Pelvas kazvatettih. Sit kartohkat muah panna, sit net pidi nostella. Opi vai duumaija, kymmene yheksä vuottu vagoloi pidi nostella. Gu žiivattu piettih, sit i kartohkua pidi panna. Štekis vet kylvettihgo ruistu, kartohkat kazvatettih. Nygöi souhozua gu eule, nimidä ei kazvateta. Sil aijal kai kazvatettih. Niitul joga kerral pidäy heinät šeloittua, ezmäi kuivata sit panna suattoh. Baban kel kannammo suatot. Kymmene vuottu neičukkaine pidi nenne kai ruadua. Sit minuu baba nostau yläh, a häin heiniä lykkiu, minä sie painelen. Kai ruavot baban kel pidi joga kohtas olla. Vellie nikonzu ei koskiettu. Häin oli gu syöttäi, kalua pidi suaha. Kezäl lapsennu euluh aigua juoksendella kaikel. Yhten kezän, se oli minul kymmene vuottu, lastu kačoin. Joga päiviä pidi Huabarvespäi juosta Štekkih. Illal järilleh kodih.

Michurova, Nadezhda

C детства приучили работать

Russian
C бабушкой, если вспомнить, постоянно нужно было полоть лен. Лен выращивали. Затем картошку в землю посадить. Подумай только, десять-девять лет, борозды нужно было поднимать. А раз скотину держали, нужно было картошку сажать. В Щеккиле ведь и рожь сеяли, картофель выращивали. Теперь как совхоза нет, ничего не выращивают. Тогда все выращивали. На покосе каждый раз нужно сено ворошить, сначала высушить, потом собрать в копну. С бабушкой несем копны. Девочке десяти лет нужно было все это делать. Затем бабушка поднимает меня вверх, а она сено бросает, я там его утрамбовываю ногами. Все работы с бабушкой, нужно было везде быть. Брата никогда не трогали. Он был как кормилец, рыбу нужно было ловить. Летом в детстве не было времени бегать везде. Одним летом, это было мне десять лет, за ребенком присматривала. Каждый день нужно было бегать из Габозера в Щеккилу. Вечером обратно домой.