Texts
Return to list | edit | delete | Create a new | history | Statistics | ? Help
Kunne kävüimmö pruazn’eikoil’e
Kunne kävüimmö pruazn’eikoil’e
Livvi
Rypushkalitsa
T’ot’a-Šura mustel’e
, kunne kävüid iče pruazn’eikoil’e .
Kävüin Torazjärveh , siä maman sizär oli .Torazjärveh kävüim Miikkulampäiväl’e .Kaksi Miikulampäiviä [oli ], sid oli Sviižoi . Nu vot , siä oli ül’en hüväd bes’odad , ül’en hüvät .Siä oli kluubu suuri Torazjärves , da täz oli sillan korvaz , siä oli l’esopuntu .Siä oli ül’en suuri kluubu , da i siä oli ül’en hüväd nenne tansit , aiven oli hüvät tansit .Nurmoilah kävüin , Nurmoilas tožе oli hüvä kluubu .Nurmoilas siä maman velli oli , sežošt’o ül’en oli hüväd gos’t’eprijomnoit , hüä meil’e käüdih , da i müä sinne kävüimmö .Siä oli tožo hüväd veičorad ül’en . Ül’en oli hüvät .Nu , Novinkaz eulluh minun rodn’ua .
Novinku se Žil’čoi da ?
Nu Žil’čoi , Žil’čois .Nu , siä oli mamam podruuga , ga häi aiven kučui .Mama siä ei käünüh , a minä üks sežo pruazn’eikoil’e kävüin sinne .Nurmoilah oli kačo , keviäl [pruazniekku ], sid oli Vuasilju . Kezäl on Iivanampäivü , sanotah .Nu vot , sid on Emiämpäivü , se augustal , lopul augustua .Vuasil’ju on talvel , kävüimmö sinne .Sid Žil’čoiz [oli ] Mihailampäivü da Pedrumpäivü , nu vot sinne kävüimmö , Ulvanale kävüimmö [sinne oli ) Valasimpäivü , sinne oli Pokrovu .Ulvanal oli meil’ kahteh taloih kävündükohtu .Nu vot , Hattuh tožo kävüimmö , siä oli Blaaušen’n’u .Da Kornih [kävüimmö ], siä on , sanoinhäi [enne heis ], kuduad nämmä molodoit käüdih meil’e pruazn’eikale .Sit Selgih kävüimmö Il’l’ampäiväl’e da Ved’en’n’äl’e .Nu vot , Kuit’t’ižeh kävüimmö sežošton , Kuit’t’ižes sežo oli pruazn’eikku Miikkulampäivü .A da viä Ül’l’öžeh tänne kävüimmö Rastavale da Iivanampäiväl’e .
Ül’l’öžes sežo da Čimil’äz oli [rodn’ua ].Ül’l’öžez oli maman velli tiä , a Čimil’äz oli baban vel’l’et , sežo siä kolmei käüdih meil’e hebožil ga .Hüä tožo oldih ül’en hüväd .Himoitti heil’e tulla što hüä ül’en hüvin priimittih .Ül’en oldih hüä [hüväd ].T’ot’a-Paša oli ül’en prostoi ristikanzu , da i t’ot’a-Nast’a da i eräz oli t’ot’a-Maša , kolmei .Baba meidü talui aivem pikkaražennu .Rastavale ga aiven oli kaniikulad .No a sid’ d’o , konzu minä jo rodiimos tütömbä suurembakse ga , sid’ d’o ei pidänüh nikedä , jo iče [menin ].Tiä Ül’l’öžez oli gul’ankat .A müägi tuliimmo viä tänne , kačo , täs kakraz oli meijän vastal täz gul’anku joves poikki .Viä oli vuattu , müä tänne tuliimmo pät’id’es’atoil’ vuvvel tämän koin ostiimmo .Siä Suarikoskian koim möimmö .Sinä mustad meijän Suarikoskian , kačo hüvähäi kodi [oli ].Sem möimmö Upraviit’el’ovale .Ga tänne tuliimmo , viä vuattu kuuzi naverno tiä oli gul’ankat , a sid’ d’o i heitettih , heitettih .
Kunne kävüimmö pruazn’eikoil’e
Livvi
Rypushkalitsa