Texts
Return to list | edit | delete | Create a new | history | Statistics | ? Help
Mehed L’udmila . Vetr’ak ta Kubiška
Mehed L’udmila
Vetr’ak ta Kubiška
Karelian Proper
New written karelian
Tavallini
kešäpäivä kyläššä .Päiväni kirkkahašti paistau , linnut vičerretäh , tuuli heiluttau kukkie ta heinie , šahisau lehtie puissa .
Korkiella aijalla lenti hyvin kaunis kukko , räpytti šiipilöilläh ta lujašti kieku :
– Kuk-ko kie-kuu-uu !
Kopissa havaččeutu ruškie Barbos-koira .Še kolisti čiepilläh ta rupesi heliešti haukkumah :
– Hau-hau-hau !
Nurmelta lehmä vaštasi koiralla :
– Ammu-uu !Ammu-uu !
Kakši yštävyä , pölätykšet Vetr’ak ta Kubiška jo ammuin šeisottih pihapellošša .Vetr’ak oli laiha , šolakka ta vuatimatoin pölätyš .Hiän šeiso urheilulakki piäššä .Kubiška oli lihavahko ta hyvin vesselä .Hänellä piäššä oli patani .Kaverit paistih .
– Haisuu kuaršulla , višših meččä palau , šano Vetr’ak .
– Mie niän šavun joven takana . Juoška ruttoseh meččäh , pitäy šammuttua tulipalo , karju Kubiška .
Vetr’ak ta Kubiška šiepattih šankot , mit riputtih aijašša , ta juoštih meččäh .
Kukko ta koira niise tunnettih , jotta tuli hätä .Kukko lujašti kieku :
– Kuk-ko kie-kuu-uu !
A Barbos rupesi haukkumah :
– Hau-hau-hau !, a šiitä ulveutu : – Uuu-uu .
Vetr’ak ta Kubiška ammullettih jovešta vettä šankkoloih ta juoštih meččäh , mistä näky šavu .Hyö nähtih lujašti palaja ropivo , mistä pračkettih kypenet eri puolih .Yštävät šammutettih ropivo vejellä ta vielä i čuuruo piällä visattih .
Kaverit istuuvvuttih hirrellä .
– Hyvä , jotta ropivon ympäri oli kivijä , šyväseh henkähti Vetr’ak .
– Kerkisimä , ilosešti šano Kubiška .
– No hyvä , jotta šaima šammuttua , ta jotta ropivo ei kerinnyn tuuvva vahinkuo mečällä . Mit pahanruatajat jätettih ropivo palamah ?
Äkkie meččä alko humissä ta yštävät kuultih :
– Passipo , jotta šammuttija ropivon .Työ oletta tovelliset urohot , kun pelaštija mečän !
Šiitä kuulu vielä yksi iäni :
– Oh-hoh , mie olen niin vaipun ...Ihmiset ei saleija milma , muata .Kaččuot : joka paikašša on lasie , muovie , konservipurkkie , puššie .Ihmiset ei ajatella muašta , eikä veještä .Miula ei ole enämpi voimie , itkeyty mua .
Vetr’ak ta Kubiška šanottih :
– Elä ite , Mua-täti !Myö autamma šilma !
Yštävät noššettih muašta puššit ta kerättih niih kaikki ruhkat , jotta viijä kyläh .
– Passipo teilä , hyvät Vetr’ak ta Kubiška ! Opaštakkua ihmisie šuojelomah muata !karju mua kaveriloilla , a meččä heilutti okšillah .
Vetr’ak ta Kubiška kannettih ruhkat kyläh ta pantih kuletuššäilijöh .Šiitä auto viey kaikki ruhkat jaloššuštehtahalla .
Niin yštävät šuoritettih šuuri ta hyövyllini tehtävä : pelaššettih meččä tulipalošta ta puhaššettih ruhkašta .
Vetr’ak ta Kubiška
Karelian Proper
New written karelian
–
–
–
–
–
–
–
–