Texts
Return to list | edit | delete | Create a new | history | Statistics | ? Help
Juotattau
Juotattau
Livvi
New written Livvic
Kindahan
zuakkun
Kaksi Kindahan mužikkua lähtiettih ongel lämmäl kezäzel päiväl .Istuttihes lautal , mendih keskijärvel , pandih onget vedeh .Räkki on , higi juoksou .Heidy rubei juotattamah .Juotattau .A vetty keral ei otettu .
Yksi sanou : – Juotattau !
Toine sanou : – Tirpa ielleh , emmohäi vetty ottanuh keral !
Tuaste ongitetah , ongitetah .Jo heil ei ole vägie ongittua .
– Juotattau , toine sanou .
– A kusbo juot , vetty emmo ottanuh !
A jo muga heidy juotattau , ga jo viertih lauttazel , jo ei voija , virutah .Vie yksi virkau midä , a toine ni virkua ei voi , muga juotattau , kieli suus kuivi .
– A sinä vie , sanou , – pagizet , ga minä jo ni paista en voi .
Muga heidy juotattau .
– A nygöi jo kaloi ei olis žiäli , sanou , – ga vai vetty puuttus !
Toine jo ni sanuo ei voi .Lauttazel virutah , kauhtanat kastuttih .Jo muga heidy juotattau , ga ei voija ni meluškoija , tuuli vedi randazel .Vedi tuuli randazel .Tuulou , astuu mužikku heijän tyveh :
– Midäbo virutto nečis , kaksi nengostu mužikkua , lautal liikkumattah ?
– A juotattau , sanou , – emmo voi enämbiä nikunne mennä .
– Ga meččiägo , uruat , etto juo , ku lauttazel virutto ?
– A kusbo juommo ?
– Ka painuat piät järveh da juogua , gor’at , maha täyzi !
Alletah hyö juvva , piästih eloh .
Juotattau
Livvi
New written Livvic
–