Texts
Return to list | edit | delete | Create a new | history | Statistics | ? Help
Bokki da vuonaine
Bokki da vuonaine
Livvi
New written Livvic
Mongoulien rahvahan
suarnu
Niityl käveltih bokki da pieni vuonaine .Net kaikkiel oldih yhtes , dai vanhu bokki ainos laski nuordu vuonastu parembale kohtale , kus heinäine oli hienombi , kus oli muga äijy piendy valgiedu kukkastu , ga loittonsah net vallotettih kui lumi .
Konzu žiivatat syödih kaiken
heinän , vanhu bokki sanoi vuo -
nazele :
– Jiä täh kodvazekse , minä lähten eččimäh sinuh näh parembua niittysty .Täs sinul kelloine .Ku midä pahua roinnou , soita kellostu .
Vanhu bokki riputti vuonazele kaglah kellozen .Kelloine oli vaskine , pyörei , čomaine .Bokki lähti .
Ei se ehtinyh loitos ni mennä , ga jo kuuli kellozen iänen .Bokki pöllästyi – a gu hukat tullah vuonazeh da terväzeh juoksi sidä piästämäh .Tuli , kaččou – ni yhty hukkua nikus ei nävy .
– Mibo rodih ?
pöllästyksis kyzyi bokki .– Miksebo abuh kučuit ?
– Kärbäine tuli sorkal istumah , aja se iäres , vastai vuonaine .
Bokki čakkai vuonastu da lähti iäres .
– Ilmai hädiä älä soita kellostu !
sanoi vuonazele lähtijes .
Ei se ehtinyh loitos ni mennä , ga jo kuuli kellozen iänen , dai juoksi tuaksepäi vuonazelluo .Tuli , ga vuonaine seizou silmät kirčistyksis .
– Mibo nygöi ?
kyzyi vuonastu bokki .
– Pölyine silmäh ugodi , vastai vuonaine , – ota se iäres !
Bokki otti pölyzen vuonazen silmäspäi :
– Ilmai hädiä älä soita kellostu !
Ei bokki ehtinyh loitos ni mennä , ga jo kuuli kellozen iänen ."Maksanougo juosta ?"
ajatteli bokki , ga ei tirpanuh , juoksi vuonazelluo .
Tuli , kaččou , ga vuonaine viruu , heinästy märehtiy .
– Misbo on dielo ?
kyzyi bokki .– Uvvessahgo tyhjiä kučuit minun ?
– Kuivu heiny bokkah tartui , puistalda , vastai vuonaine .
Suutui bokki .
– Iče puista !
sanou .– Opi vai vie kerdu minuu tyhjiä kuččuo !
Dai lähti .
Hätken käveli bokki mäin tagua paimendusmuadu valliččemas .Väzyi vanhu , vieri bokalleh kodvazekse .Vaste silmät ummisti , kuulou kelloine soittau !"Uvvessah nareko kuččuu minuu ," suutui bokki dai uinoi .
Ga kelloine vai helizi da helizi , terväh bokki jo kuuli koiriengi haukundan .
"Midä sie ollou ?"
lähti juoksemah bokki .
Tuli , nägöy – koirat jo ajettih hukan , vuonaine seizou da särizöy : odva vai hukku ei syönnyh .
Kačoi bokki vuonazeh da sanou :
– Olitgi ozakas , gu kerras koirat abuh tuldih , eiga istuzit hukal vačas .Älä tyhjiä nikonzu soita kellostu !
Kiändi L’ubov’ Baltazar
Bokki da vuonaine
Livvi
New written Livvic
–
–
–