Texts
Return to list | edit | delete | Create a new | history | Statistics | ? Help
Illal kevät-Jyrgie va
Illal kevät-Jyrgie va
Karelian Proper
Suoyarvi
Illal kevät-Jyrgie vas : kellot
aitas tuuvah , koajitah gloadansavul ; silmät rištitäh da kävelläh ymbäri tanhuos da kois kelloloin ker , kellot on kaglas , toizet käes .Huondeksel toine kerda silmät rištitäh päivän nostuo ; tuas malitun ker ruvetah kävelemäh , kolme kerdoa kävelläh .Murginan syödyö pannah kellot lehmil kaglah , a taiginvettä vanhiman lehmän kellon sydämeh , se kello pannah korvien toaks piäh malitun ker .
— Ennem murginoa vanhin emändä joga lehmäl nyhteä villoa sarviloin välis , sägän piäl da ristaluulois selläs landehil , tuloo kodih , stolal ne villat kai piekselöö taigintahtahan ker .
Päčin pyhkii peräh päi da edeh päi , sit paistoa rieskazen ; sanoo : "Päčči lämmäšti lämbiöö ; muga lehmäzelleni olgah vaččani lämmä joga ildoa kodih tulemah ".Rieskazen ottoa , panoo päčin selläl lagie vas .
— Ku ruvetaž žiivattoi työndämäh meččäh , murotetah puoli rieskasta lehmil vedeh , se juotetah kaikil lehmil , toine puoli syötetäh Pokrovanna libo jälles , ku ei enämbi meččäh työtä .
— Muga kai roatah .
Illal kevät-Jyrgie va
Karelian Proper
Suoyarvi