Texts
Return to list | edit | delete | Create a new | history | Statistics | ? Help
Iivananpäivöä vassen
Iivananpäivöä vassen
Karelian Proper
Uhta
Iivananpäivöä vassen tuotih
lehtikerppu joka pirtin čuppuh .Siitä ruvettih lehtie leikkoamah vasta , ennein ei soanun leikata .Se oli Lehti-Iivananpäivä .Sanottih jotta meččä on niinkun rosenčča kun ennen leikattaneh .
Sanottih jotta ennein Iivananpäivöä ei ois pitän seäksie tappoa yhtänä ; ennein Iivananpäivöä kun seäksen tappo ni siekla lisäyty moailmah .No siitä kun Iivananpäivä sai jälellä , siitä siekla puoleni kun yhen seäksen tappo .
Iivananpäivöä vassen konstuitih lutikoilla .Loajittih semmoni hyvin pikkaraini niinkun lapsen kisattava veneh .Siitä pantih siihi airot ta huoparit niinkun puitto konsanahki veneheh , ta i purjeh pahtih valkie .Siitä ruskieh ripakkoh kolme yheksöä lutikkoa pantih sihi kerättih .Siitä pantih sihi veneheh ne lutikat ta viеtih järveh .Siitä se viejä eänellä itki vielä jotta :
Koalelkoa kajon ruttosih ,
elköä kajon olovikse aijoikse mänköä ,
jottei kajon suuret ikäväiset
kajon koaleltais ta kajon assuksenneltais !
Niillä kun piti vastahhakoa itkie !Niin miun ämmö se itki , jälelläh kučču .Kun kaksi henkie piti olla viemässä , nin heän otti miun toisekse .Mie kun siitä ymmärrin hänen itkusanat mie sanon jotta : "No mikse sie niitä jälelläh kučut "?— No heän rupei siitä kovin nakramah jotta kun mie ymmärrin jotta mitä heän itki .
No siitä myö nin nakroma jotta siihi tipahtima pitäkseh molommat , pitkäpivuttah ihan oikenima .
Siitä sanou se ämmö kun selkisi jotta : "Annahan " sanou , "nakratit nin nyt ei läheta " sanou , "lutikat , kun nakroma "!— Siitä ne kuitenki läksi .
Ne nin meälyssäh mäntih ta niin myö vain niistä eris peäsimä .
Sitä pit’i vielä varottoa jotta ei virkkoa i mitä jotta "Jo matkoau lut’ikat "!Ne jälelläh ois myössytty .
Siitä jos ken lienöy löytän sen venehen , ta kaččon siihi veneheh , nin siitä venehestä ne lutikat kriesiyvyttih sillä kaččojalla taloh .
Iivananpäivöä vassen
Karelian Proper
Uhta