Texts
Return to list | edit | delete | Create a new | history | Statistics | ? Help
Orava, Kinnaš ta Niekla
Orava, Kinnaš ta Niekla
Karelian Proper
New written karelian
Karjalaini starina
Oli ennein kolme velleštä : Orava , Kinnaš ta Niekla .Lähettih hyö kerran mečällä .Tulou kolme tienhuarua .Orava , vanhin vellekšistä , šanou :
– Kaikin lähemmä eri teitä .Ken mitä šualista šuanou , šiitä huhuou toisie .
Niekla kun käveli vähäsen tai löysi tervaškannon .Niekla alkau huhuta :
– Kiijä , kiijä , Kintahaisen ,
Oravaisen , oikuttele !
Niekla-rukka löyvön löysi ,
šai šuuren šualehen !
Kinnaš ta Orava juoštih Nieklan luo .
– Mie löysin tervaškannon , Niekla šanou .
– Mi šualis tämä nyt on .
On noita tervaškantoja täyši meččä !
Vanhemmat vellekšet piekšettih vähäsen Nieklua .Lähettih tuaš eri teitä .Niekla mänöy vähäsen matkua – šattuu vaštah vesilampi .Hiän tuaš huhuomah :
– Kiijä , kiijä , Kintahaisen ,
Oravaisen , oikuttele !
Niekla-rukka löyvön löysi ,
šai šuuren šualehen !
Tultih Kinnaš ta Orava :
– Mitä šie nyt löysit ?
– Ka mie löysin vesilammin .
Hyö tuaš Nieklua piekšämäh , lyömäh .Ta vielä tolkutetah :
– Šiinä šiula šuurešta šualehešta , kun on vesilampi !
Erotah tuaš eri huaroilla .
Niekla mänöy šuon laitah .Kaččou – ka šuolla on petrakarja , kortehta šyyvväh .Niekla mänöy mättähällä , kaikkein šuurimman petran eteh , ta pistäytyy korttehen šiämeh .Šuuri petra šöi korttehen tai nielasi Nieklan šen keralla , niin ni kuoli heti paikalla .Niekla hypähti ta tuaš ni alko karjuo vellijäh :
– Kiijä , kiijä , Kintahaisen ,
Oravaisen , oikuttele !
Niekla-rukka löyvön löysi ,
šai šuuren šualehen !
Kinnaš ta Orava paissah :
– Emmä lähe enämpi , tuaš Niekla tyhjäh kuččuu , löysi mihnih kannon .
Niekla huhuou uuvveštah :
– Kiijä , kiijä , Kintahaisen ,
Oravaisen , oikuttele !
Niekla-rukka löyvön löysi ,
šai šuuren šualehen !
Ei ni kuin Kinnaš ta Orava kuunnella .Niekla huhuou vielä i kolmannen kerran šamalla keinoin .
No , pitäy lähtie !Tullah :
– Mi šualis šiula nyt on ?
Niekla šanou :
– Ettäkö niä , mie petran löysin .
Petra venyö kellottau mättähällä .
Kinnaš ta Orava ihaššuttih , šilitetäh Nieklan piätä :
– Kylläpä olet , veikkosen , hyvä , kun nyt tämmösen šualehen šait !
Otettih ta nylettih še petra .
– Nyt pitäis miän ruveta lihua keittämäh , ka ei ole meilä kattilua .
Niekla šanou Oravalla :
– Šiula kun on terävät kynnet , ni mäne šie kiso tuohta .Luajimma tuohešta kattilan ta šillä keitämmä lihua .
Orava toi tuohta .Niekla ompeli tuohešta ropehen kattilakši .
– Ka eihän meilä ole vettä , šanotah .
– Mistä myö nyt vettä šaisima ?
Niekla šanou :
– Löysinhän mie vesilammin , šielä on kyllä vettä !
Kinnaš kävi vettä .
– Eihän meilä ole puita halokši , millä lihoja keittyä , šanotah .
Niekla tuaš ni šanou :
– Löysinhän mie tervaškannon .
Tuotih hyö še tervaškanto , šuatih halkuo , ruvettih keittämäh .Keitettih hyö ne lihat , šyötih kyllälti ta loppuset vietih kotihis .
Vielä nyt niitä lihoja šyyvväh , kun ei liene loputtu !
Orava, Kinnaš ta Niekla
Karelian Proper
New written karelian
–
–
–
–
–
–
–
–
–
–
–
–
–
–