Texts
Return to review | Return to list
Hierus
history
June 17, 2024 in 12:12 Нина Шибанова
- created the text
- created the text: Mi hyvä on kazvua hierus, Aijoi ei nostateta. Pehmei da lämmin pielus Ielleh vai uinottau. On hyvä tuttaval pihal Päivät kižata, elostua. Omat vai ollah rinnal, Ei malteta kielastua. Hyvä on säristä rannal, Kuni huulet ei sinistytä, Puunoksah nosta kiistah, Siepäi vedehgi hypätä. Mi hyvä on väzyö äijäl, Sit sellälleh langeta Hiilaval pordahien laijal, Da kažistu silittiä. Hyvä on ummistua silmät, Ku päiväine čirittäy, Kuldazet sägehet kirmiet Sovis läbigi räkittäy. Mi hyvä on viluu maiduo Must’oih valaldua, Se levvalpäi valuu paijal Dai tipahtau šižälih. Mi hyvä on alamägeh Muamalluo huolittua, Sit tartuo suureh kiägäh Da veriänke liedžua. Mi hyvä on ikkunah kaččuo, Puus linduzii kuunnella, Kangahan ribumiäččyy Alah pordahis työnellä. On hyvä, ku varata ei pie, Ei vierahat tänne käy. Mi hyvä, ku lapsestus hierus Vie meijängi bunukoil jäi.