Texts
Return to list | edit | delete | Create a new | history | Statistics | ? Help
L’ubov’ Baltazar. Hierus
L’ubov’ Baltazar
Hierus
Livvi
New written Livvic
Mi
hyvä on kazvua hierus ,
Aijoi ei nostateta .
Pehmei da lämmin pielus
Ielleh vai uinottau .
On hyvä tuttaval pihal
Päivät kižata , elostua .
Omat vai ollah rinnal ,
Ei malteta kielastua .
Hyvä on säristä rannal ,
Kuni huulet ei sinistytä ,
Puunoksah nosta kiistah ,
Siepäi vedehgi hypätä .
Mi hyvä on väzyö äijäl ,
Sit sellälleh langeta
Hiilaval pordahien laijal ,
Da kažistu silittiä .
Hyvä on ummistua silmät ,
Ku päiväine čirittäy ,
Kuldazet sägehet kirmiet
Sovis läbigi räkittäy .
Mi hyvä on viluu maiduo
Must’oih valaldua ,
Se levvalpäi valuu paijal
Dai tipahtau šižälih .
Mi hyvä on alamägeh
Muamalluo huolittua ,
Sit tartuo suureh kiägäh
Da veriänke liedžua .
Mi hyvä on ikkunah kaččuo ,
Puus linduzii kuunnella ,
Kangahan ribumiäččyy
Alah pordahis työnellä .
On hyvä , ku varata ei pie ,
Ei vierahat tänne käy .
Mi hyvä , ku lapsestus hierus
Vie meijängi bunukoil jäi .
Hierus
Livvi
New written Livvic